Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Múmkindigi shekteýli balaǵa kútim jasaý merzimi uzartylady – Serik Shápkenov

2021 jyldyń 16 qyrkúıek 2021 10:21

NUR-SULTAN. QazAqparat – Múmkindigi shekteýli balalar turǵyn úı kezegine turý quqyǵyna qatysty jańa norma engiziledi. Bul týraly Parlament Senatynyń jalpy otyrysynda tıisti zań jobasyn qaraý kezinde QR Eńbek jáne halyqty áleýmettik qorǵaý mınıstri Serik Shápkenov málim etti, dep habarlaıdy QazAqparat tilshisi.

Aıta keteıik, palata depýtattary «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda talqylady.

«Qujatta múgedektigi bar balany tárbıelep otyrǵan otbasylarǵa bala kámelettik jasqa tolǵannan keıin de turǵyn úı kezeginde turý quqyǵyn saqtaý kózdeledi. Іs júzinde mundaı otbasylar turǵyn úı kezeginde 10 jylǵa deıin turady. Eger bala 18 jasqa tolǵanǵa deıin turǵyn úı alý múmkin bolmasa, onda múgedektigi bar azamat kezekke qaıta turýǵa májbúr. Bul norma 20 myńnan astam otbasyna turǵyn úı kezegin saqtaýǵa múmkindik beredi», - dedi Serik Shápkenov.

Budan basqa, zań jobasy aıasynda múgedektigi bar balaǵa kútim jasaý merzimin 16-dan 18 jasqa deıin uzartý usynyldy. Bul jasyna baılanysty zeınetaqy tólemderi men bazalyq zeınetaqyny taǵaıyndaýǵa oń áserin tıgizedi.


Joǵary qaraı