Aýa raıy
Astana -16 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Múmkindigi shekteýli azamattarǵa arnaýly járdemaqy mólsheri ulǵaıtylady - Prezıdent

2020 jyldyń 25 qarasha 2020 11:48

NUR-SULTAN. QazAqparat - Múmkindigi shekteýli azamattarǵa beriletin arnaýly járdemaqy eń tómengi kúnkóris deńgeıiniń 1,4 ese kóbeıtilgen mólsherine deıin bolady. Bul týraly Nur Otan partııasynyń kezekten tys XX Sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Turaqty kútimge muqtaj jáne jeke kómekshi qyzmetin paıdalanbaıtyn 1-toptaǵy múmkindigi shekteýli azamattardyń barlyǵyna qosymsha áleýmettik qoldaý kórsetiledi. Osyǵan oraı beriletin arnaýly járdemaqy eń tómengi kúnkóris deńgeıiniń 1,4 ese kóbeıtilgen mólsherine deıin bolady. Aldaǵy 5 jyl ishinde biz erekshe kútimdi qajet etetin adamdardy arnaýly tehnıkalyq quraldarmen qamtamasyz etemiz. Sondaı-aq olarǵa tolyqtaı ońaltý-saýyqtyrý qyzmeti usynylady. Biraq, eń bastysy ár adamǵa tabys tabý múmkindigin berý kerek. Bul rette biz naqty sharalar qabyldaımyz», - dedi QR Prezıdenti.

Memleket basshysynyń aıtýynsha, sonyń nátıjesinde 2025 jylǵa qaraı múmkindigi shekteýli azamattardy jumyspen qamtý kórsetkishi 30 paıyzǵa jetedi.

«Osyndaı jandardyń kásibı qyzmetpen aınalysýmen birge bilim alýyna da jaǵdaı jasaý mańyzdy. 5 jyl ishinde kolledjder men joǵary oqý oryndary ınklıýzıvti bilim berý úderisimen tolyq qamtylady. Sonymen qatar mektepke deıingi barlyq mekemeler men mektepterde bul kórsetkishti kezeń-kezeńmen 70 paıyzǵa deıin jetkizemiz», - dedi Qasym-Jomart Toqaev.


Joǵary qaraı