Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mýmbaıda qatty nóser saldarynan úı qulap, jeti adam qaza tapty

2021 jyldyń 23 shilde 2021 13:26

NЬıÝ-DELI. QazAqparat - Juma kúni túnde Mýmbaıdaǵy turǵyn úı qulap, jeti adam qaza tapty, taǵy úsheýi jaraqat alǵan. Bul týraly QazAqparat ANI agenttigine silteme jasap habarlaıdy.

Qalalyq polıtsııanyń málimetine sáıkes, oqıǵa qalanyń shyǵysyndaǵy Govandı aýdanynda bolǵan. Úıdiń qıraýyna qatty nóserden týyndaǵan sý tasqyny men balshyq aǵyndary sebep bolǵan. Bir táýlik ishinde qalada 380 mm-ge jýyq jaýyn-shashyn tústi.

Shilde aıynyń ortasynda Úndistannyń Batys jaǵalaýynda, sonyń ishinde Mýmbaıda kúshti mýssondyq nóser maýsymy bastaldy. 19 shildede Shambýr, Vıhrolı, Bhandpýr aýdandarynda sel men sý tasqynynan týyndaǵan ǵımarattardyń qulaýynan Mýmbaıda 33 adam kóz jumdy. Qalanyń oıpatty aýdandary sý astynda qaldy.

Bılik ulttyq áskerı-teńiz kúshterinen qutqarý jumystaryn júrgizýge kómek surady. Eldiń batys Áskerı-teńiz qolbasshylyǵy qutqarý toptaryn jumyldyrdy jáne azamattyq ákimshilikke kómek kórsetý úshin áskerı tikushaqtardy tartty.


Basty sózder: Álem, Oqıǵa,
Joǵary qaraı