Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Muqaǵalı» fılmi halyqaralyq festıvalde júldege ıe boldy

2021 jyldyń 28 qarasha 2021 10:27

NUR-SULTAN. QazAqparat - Belgili rejısser Bolat Qalymbetov túsirgen «Muqaǵalı» fılmi «Temnye nochı» atty 25-shi Tallın kınofestıvlinde (PÖFF) ekýmenıkalyq qazylar alqasynyń arnaıy júldesine ıe boldy, dep habarlaıdy QazAqparat Qazaqfılmge silteme jasap.

Bul týraly festıval uıymdastyrýshylary «Estonııa» kontsert zalynda ótken sharanyń jabylý saltanatynda jarııa etti.

«Fılmniń poezııalyq tili men erekshe kórkemdigi adam janyn erekshe sezimge bóleıdi. Naǵyz rýhanı qundylyqtardy dáripteýge baǵyttalǵan kınotýyndy», - dedi Estonııanyń dinı uıymdary ókilderi kirgen ekýmenıkalyq qazylar alqasy.

Aıta ketsek, qazaqtyń aqıyq aqyny Muqaǵalı Maqataevtyń 90 jyldyǵyna oraı QR Mádenıet jáne sport mınıstrliginiń tapsyrysy boıynsha Sháken Aımanov atyndaǵy «Qazaqfılm» AQ jaryqqa shyǵarǵan kınotýyndy aty ańyzǵa aınalǵan aqyn ómiriniń sońǵy jyldary týraly baıandaıdy. Fılmniń stsenarııin belgili jazýshy Júsipbek Qorǵasbek rejısser Bolat Qalymbetov jáne Ǵazız Nasyrovpen birge jazdy. Atalǵan kınotýyndy ústimizdegi jyly 21 qazanda prokatqa shyqqan bolatyn.


Basty sózder: Mádenıet,
Joǵary qaraı