Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Múgedektigi bar 4 myń adam «Eńbek» baǵdarlamasy aıasynda jumysqa ornalasty

2020 jyldyń 30 qazan 2020 10:00

NUR-SULTAN. QazAqparat - Aǵymdaǵy jylǵy 1 qazandaǵy jaǵdaı boıynsha jumyspen qamtýdy qoldaý sharalary 15,4 myń múgedektigi bar adamǵa kórsetildi, dep habarlaıdy QazAqparat QR Eńbek jáne halyqty áleýmettik qoldaý mınıstrliginiń baspasóz qyzmetine silteme jasap.

Onyń ishinde Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy (budan ári – «Eńbek» memlekettik baǵdarlamasy) boıynsha 11,4 myńnan astam adam, al Jumyspen qamtýdyń 2020 jylǵa arnalǵan jol kartasy (budan ári – JQJK) sheńberinde 2,2 myń adam qoldaý aldy.

«Eńbek» memlekettik baǵdarlamasyna 11,4 myń múgedektigi bar adam qatysty, onyń 4 myńy turaqty jumys oryndaryna, 6 myńnan astamy ýaqytsha jumystarǵa ornalastyryldy, 448 azamat qysqa merzimdi kásiptik oqytýmen qamtyldy, 284 adam mıkrokredıtter aldy jáne 700 adam memlekettik granttar aldy. Sondaı-aq, «Bastaý bıznes» jobasy boıynsha kásipkerlik qyzmet negizderine oqytýǵa 504 adam jiberildi.

Taǵy 2,2 myńǵa jýyq múgedektigi bar adam Jumyspen qamtýdyń jol kartasynyń jobalaryna jumysqa ornalastyryldy.

«JQJK aıasynda júzege asyrylyp jatqan jobalar áleýmettik-mádenı nysandar men turǵyn úı-kommýnaldyq sharýashylyq nysandaryn jóndeý men qaıta jańartýdy, ınjenerlik-kólik ınfraqurylymyn salýdy jáne eldi mekenderdi abattandyrýdy kózdeıdi. Mundaı jumystarǵa múgedektigi bar adamdar medıtsınalyq qorytyndylarǵa sáıkes jiberiledi», – dedi QR Eńbekmıni Halyqty jumyspen qamtý departamentiniń eńbek naryǵyn damytý basqarmasynyń basshysy Baqyt Qashyrbekov.

Budan basqa, «Halyqty jumyspen qamtý týraly» Zańǵa sáıkes, jergilikti atqarýshy organdar aýyr jumystardy, eńbek jaǵdaılary zııandy, qaýipti jumystardaǵy jumys oryndaryn eseptemegende, jumys oryndary sanynyń ekiden tórt paıyzǵa deıingi mólsherinde múgedektigi bar adamdar úshin jumys oryndaryna kvota belgileýdi qamtamasyz etedi. Kvota sheńberinde 2017 jyldan bastap osy jylǵa deıin 13,6 myń múgedektigi bar adam jumysqa ornalastyryldy, onyń ishinde 1,8 myńy – 2020 jyldyń 2-toqsanynyń qorytyndysy boıynsha.

«2018 jyldan bastap halyqaralyq tájirıbe negizinde múgedekterdi jumysqa ornalastyrý úshin arnaıy jumys ornyn jabdyqtaýǵa jumys berýshilerdiń shyǵyndaryn sýbsıdııalaý engizildi. Bıyl kórý, estý jáne tirek-qımyl apparaty buzylǵan múgedekter úshin 31 arnaıy jumys ornyn qurý josparlanýda», – dep tolyqtyrdy Baqyt Qashyrbekov.


Joǵary qaraı