Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Múgedek jáne asyraýshysynan aıyrylǵan jandarǵa 292 mlrd teńge járdemaqy tólendi

2021 jyldyń 14 qazan 2021 22:10

NUR-SULTAN. QazAqparat - Qazaqstandyqtarǵa jyl basynan beri múgedektik jáne asyraýshysynan aıyrylý jaǵdaıy boıynsha járdemaqy túrinde 292 mlrd teńgeden astam qarajat tólendi. Bul týraly QazAqparat Eńbek mınıstrligine silteme jasap habarlaıdy.

2021 jylǵy qańtar-qyrkúıek aılary aralyǵynda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 232,4 mlrd teńge, asyraýshysynan aıyrylý jaǵdaıyna baılanysty memlekettik áleýmettik járdemaqy tóleýge 59,8 mlrd teńge baǵyttaldy.

2021 jyldyń qyrkúıek aıynda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 25,7 mlrd teńge, asyraýshysynan aıyrylý jaǵdaıy boıynsha memlekettik áleýmettik járdemaqy tóleýge 5,5 mlrd teńge jumsaldy.

2021 jylǵy 1 qazandaǵy jaǵdaı boıynsha múgedektigi boıynsha memlekettik áleýmettik járdemaqy alýshylardyń sany 528,1 myń adamdy, asyraýshysynan aıyrylý jaǵdaıy boıynsha 134,3 myń adamdy quraıdy.

Múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri múgedektiktiń tobyna jáne sebebine, qaıtys bolǵan (qaza tapqan) asyraýshynyń asyraýyndaǵy adamdar sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańynda belgilenetin eń tómen kúnkóris deńgeıiniń shamasyna baılanysty bolady.

2021 jylǵy 1 qazandaǵy jaǵdaı boıynsha múgedektigi boıynsha memlekettik áleýmettik járdemaqynyń ortasha mólsheri 48 743 teńgeni, asyraýshydan aıyrylý jaǵdaıy boıynsha memlekettik áleýmettik járdemaqynyń ortasha mólsheri 40 995 teńgeni qurady.


Joǵary qaraı