Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Múgedek jandar arasynda IT salasynyń úzdikteri anyqtaldy

2020 jyldyń 9 qazan 2020 19:03

BÝRABAI. QazAqparat - Elimizdiń túkpir-túkpirinen jınalǵan erekshe kútimdi qajet etetin jandar arasynda IT salasynyń úzdikteri anyqtalyp, marapattaldy, dep habarlaıdy QazAqparat tilshisi.

«Bizdiń qor múgedek jandarǵa qamqor bolyp, IT salasyn meńgerem degen azamattarǵa arnaıy kýrs uıymdastyrady. Bul jobaǵa elimizdiń kez kelgen óńirinen 18 ben 37 jastaǵy múgedektigi bar azamattar qatysýǵa bolady. Buǵan deıin 2 topty osy salaǵa beıimdep, úıretsek, búgin mine 3-i top oqýdy aıaqtap otyr. Osy kúnde deıin elimiz boıynsha 102 múgedektigi bar jan IT salasy boıynsha óz bilimderin jetildirdi», - dedi «ITeachMe» qoǵamdyq qorynyń dırektory Zahıra Begálıeva.

Qor basshysynyń málimdeýinshe, elimizdegi múgedek jandardyń 50 paıyzy kompıýtermen jumys isteýdi bilmeıdi.

«Bizdiń basty maqsat - múgedek jandardy qoǵamǵa tartý, kópshilik ortaǵa beıimdeý. Sebebi, olardyń arasynda jumys istemek túgeli, kópshilik jerde óz-ózin qalaı ustaý kerektigin bilmeıtinder de bar. Sondyqtan da joba aıasynda biz olardy IT-men qatar, qoǵamǵa tez sińisý jaǵyn da úıretemiz. Jobaǵa qatysýshylar aldymen irikteý kezeńinen ótedi. Ol úshin qatysýshy ótinim beredi, sodan soń ne úshin IT salasyn meńgergisi keletindigi týraly esse jazady jáne testileýden ótedi. Sonyń ishinen aldyńǵy qatardan kóringen úmitkerlerdi oqýǵa qabyldaımyz. Oqý aıaqtalǵan soń qatysýshylarǵa IT-ǵa qatysty túrli deńgeıdegi tapsyrmalar beriledi. Sonyń negizinde úzdikter anyqtalady. Osy 3-shi kezeńde barlyǵy 23 adam qabyldanyp oqydy, sonyń 13-i aqtyq synǵa shyqty. Solardyń arasynan 3 jumys avtory úzdik dep tanylyp, jeńimpaz atandy», - deıdi ol.

Uıymdastyrýshylardyń aıtýynsha, joba jeńimpazdaryn eńbekpen qamtý jaǵy da qarastyrylýda.





«Bul joba týraly múgedekter qoǵamy arqyly estip, qatysýǵa bel býdym. Ótinim berip, testileýden sátti óttim. IT salasy ishinara birneshe baǵytqa bólinedi, bizge tańdaý berildi. Men saıt jasaý jáne árleý baǵytyn tańdap, 2 aı onlaın oqyp shyqtym. Oqý barysynda túrli tapsyrmalar arqyly alǵan bilimimizdi pysyqtap otyrdyq. Negizi bul sala maǵan bóten emes. Kezinde kolledjge kompıýter baǵdarlamashysy mamandyǵyna túskem, ókinishke qaraı 1 kýrsta jol apatyna ushyrap oqýymdy aıaqtaı almaı qaldym. Araǵa birneshe jyl salyp maǵan bilimimdi qaıta jalǵastyrý múmkindigi týdy», - deıdi «ITeachMe» jobasynyń jeńimpazy, almatylyq Ánýarbek Maıshybaev.




















Joǵary qaraı