Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Muǵalimderdiń jazǵy demalys uzaqtyǵy ózgerissiz qaldy – BǴM

2021 jyldyń 4 mamyr 2021 17:05

NUR-SULTAN. QazAqparat - Mektep oqýshylary úshin 2020-2021 oqý jyly 25 mamyrda aıaqtalady. Muǵalimderdiń demalys uzaqtyǵy esh ózgerissiz qaldy. dep habarlaıdy QazAqparat Bilim jáne ǵylym mınıstrliginiń baspasóz qyzmetine silteme jasap.

Búgin Bilim jáne ǵylym mınıstrliginiń apparattyq keńesinde 2020-2021 oqý jylynda jazǵy mektepti uıymdastyrý máseleleri boıynsha túsiniktemeler berildi. Tıisti buıryqqa qol qoıylyp, pedagogterge arnalǵan ádistemelik usynymdar bilim berý uıymdaryna jiberildi.

«Barlyq mektepte oqý jyly 25 mamyrda aıaqtalady. Sonymen birge 19 maýsymǵa deıin jazǵy mektepter jumys isteıdi. Balalar óz qalaýy boıynsha, ata-analarynyń ótinishimen 19 maýsymǵa deıin sabaqtarǵa qatysa alady. Muǵalimderdiń eńbek demalysyna qatysty esh ózgeris bolmaıdy. Pedagogter ádettegideı jazda 56 kún demalady. Barlyq jumys zań aıasynda, quqyqtyq normalardy saqtaı otyryp uıymdastyrylady. Biz kelesi jyly da pandemııanyń saldaryn eskerýimiz kerek. Y. Altynsarın atyndaǵy Ulttyq bilim akademııasy tıisti jumys atqarýy qajet», – dep atap ótti QR Bilim jáne ǵylym mınıstri Ashat Aımaǵambetov.


Joǵary qaraı