Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Muǵalimderdi qosymsha jumysqa jekkenderge jaýapkershilikti qatańdatý kerek – mınıstr

2021 jyldyń 21 qazan 2021 18:17

NUR-SULTAN. QazAqparat - QR Bilim jáne ǵylym mınıstri Ashat Aımaǵambetov mektep ustazdaryn negizgi mindetterinen bólek qosymsha jumysqa salýǵa qatysty pikir bildirdi, dep habarlaıdy QazAqparat tilshisi.

«Semeıde muǵalimderdi senbilikke tartý isine qatysty biz óz kózqarasymyzdy bildirdik. Árıne, biz muǵalimderge negizgi mindetinen bólek, qosymsha júk artylýyna qarsymyz. Biz basynda qandaı da bir qatelik ketken shyǵar dep sheshim shyǵarýǵa asyqpadyq, keıin jaǵdaı rastaldy. Tıisinshe shara qabyldadyq. Búginde muǵalimderdi senbilikke shyǵarǵan qyzmetkerler jaýapqa tartyldy. Osy oraıda oqıǵa qaıtalanbaýy úshin muǵalimderge qosymsha júk artýǵa qatysty jaýapkershilikti qatańdatý kerek», - dedi Ashat Aımaǵambetov OKQ-de ótken baspasóz máslıhatynda.

Eske sala keteıik, ótken aptada Semeı qalasynda oqý protsesine kedergi keltirip, muǵalimderdi kóshe sypyrýǵa jibergen.

«2019 jyldyń jeltoqsanynda qabyldanǵan zań sheńberinde pedagogterdi ózine tán emes fýnktsııalarǵa tartýǵa tyıym salynady. Sodan beri muǵalimder tek tikeleı fýnktsıonaldyq mindettermen aınalysýy kerek ekenin túsiný úshin ýaqyt jetkilikti boldy.Mundaı buzýshylyqtar úshin eki júzge jýyq basshy jazalandy. Olar tártiptik jáne ákimshilik jaýapkershilikke tartylyp, tipti jumystan shyǵaryldy.Semeı qalasyndaǵy oqıǵaǵa baılanysty bilim berý salasyndaǵy sapany qamtamasyz etý departamenti ákimshilik is qozǵap, tekserý júrgizilip jatyr. Qala ákimi orynbasarynyń bul jaǵdaıǵa qatystylyǵy rastalǵan jaǵdaıda, atalǵan laýazymdy tulǵa jáne ózge tulǵalar ákimshilik jaýapkershilikke tartylady. Biz sondaı-aq qajetti sharalar qabyldaý úshin Memlekettik qyzmet isteri agenttigine júginemiz. Sonymen qatar qalalyq bilim bóliminiń basshysy da jaýapkershilikke tartylady», - dep jazdy mınıstr jelide.


Joǵary qaraı