Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Mozambıktegi surapyl daýyl: 4 myń úı qırap, 160 myńnan astam adam zardap shekti

2021 jyldyń 24 qańtar 2021 20:35

BEIRA. QazAqparat – Eloıza daýyly jaıpap ótken Mozambıktiń ortalyq bóligindegi birqatar aýdandar jáne portty qala Beıra sý astynda qaldy. Surapyl jeldiń jyldamdyǵy saǵatyna 160 shaqyrymǵa jetken, dep habarlaıdy QazAqparat VVS- ge silteme jasap.

Mozambık Ulttyq meteorologııa ınstıtýtynyń (INAM) málimetine qaraǵanda, Beırada 24 saǵattyń ishinde 250 mm nóser jańbyr jaýǵan.

Jergilikti bılik pen agenttik zardap shekkenderge kómektesý úshin kelgen shyǵynnyń mólsherin esepteýde jáne jaryqsyz qalǵan birneshe aýdanda elektr jelisin jáne baılanys júıesin qalpyna keltirýge árekettenýde.

Jergilikti bıliktiń aıtýynsha, tórt adam qaza tapqan.




Mozambıkiń ekinshi qalasy Beıranyń turǵyndary da úılerin sýdan tazartyp jatyr.




















Ulttyq ınstıtýttyń ókili Antonıo Belezanyń aıtýynsha, myń úı tutastaı qıraǵan, taǵy úsh myńy qatty búlingen. Sondaı-aq 160 myńnan astam adam zardap shekken.

Daýyl aǵashtar men elektr baǵandaryn qulatyp, jarnama qalqandaryn ushyryp áketken.

Osy aýmaqtaǵy birneshe ózen arnasynan asty. Mozamık ortalyǵyndaǵy aýdandar sý astynda qaldy.





Basty sózder: Oqıǵa, Álem,
Joǵary qaraı