Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Moody’s kredıttik agenttigi Qazaqstan ekonomıkasy boıynsha kredıttik pikir jarııalady

2021 jyldyń 17 aqpan 2021 11:05

NUR-SULTAN. QazAqparat - Jańartylǵan kredıttik pikirge sáıkes, álemdegi jáne aımaqtaǵy ekonomıkalyq jaǵdaıdyń belgisizdigine qaramastan, Qazaqstan reıtıngi Baa3 «Oń» boljamdy pandemııaǵa deıingi kórsetkishterine sáıkes keledi, dep habarlaıdy QazAqparat primeminister.kz-ke silteme jasap.

Bastapqyda Baa3 reıtınginiń «Oń» boljamy Qazaqstanǵa 2019 jyldyń tamyz aıynda berildi.

Baa3 mártebesin saqtaýǵa jáne kredıttik reıtıng boıynsha oń boljam jasaýǵa múmkindik bergen faktorlar memlekettik boryshtyń tómen deńgeıi, edáýir fıskaldyq rezervter, ekonomıka jáne halyq tabysynyń ósiminiń joǵary áleýeti, Úkimettiń daǵdarysqa qarsy sharalardy qalyptastyrýdaǵy jáne fıskaldyq turaqtylyqty qamtamasyz etýdegi ıkemdiligi pen tıimdiligi boldy.

Moody's óndirýshi jáne óńdeýshi sektorlarda ekonomıka ósiminiń joǵary áleýetin oń baǵalap, 2020 jyly naqty sektor ósiminiń oń qarqynyn atap ótti.

Bul faktorlar pandemııanyń taralýyna baılanysty ekonomıkalyq kúızelisterge qarsy aıtarlyqtaı áser etti.

Atalǵan dınamıkany eskere otyryp, Moody's Qazaqstan ekonomıkasynyń kredıttik reıtınginiń joǵarylaý yqtımaldyǵyn atap ótedi. Sondaı-aq Qazaqstannyń kredıttik reıtıngin arttyrý úshin áleýetti qalyptastyratyn faktorlar — ınstıtýtsıonaldyq ortany odan ári reformalaýǵa ázirlik, ekonomıkany odan ári ártaraptandyrý, bank sektorynyń ornyqtylyǵyn arttyrý jónindegi sharalar.

Buǵan deıin, 15 aqpanda AKRA (RF) Analıtıkalyq kredıttik reıtıng agenttigi boljamdy «teristen» «turaqtyǵa» jaqsarta otyryp, Qazaqstannyń pandemııaǵa deıingi kredıttik reıtıngilerin rastady.


Basty sózder: Ekonomıka, Halyqaralyq uıymdar,
Joǵary qaraı