Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Monsenor Haled Akashe: Din kóshbasshylarynyń VII sezin asyǵa kútemiz

2021 jyldyń 6 qazan 2021 12:38

NUR-SULTAN. QazAqparat – Elordada ótip jatqan álemdik jáne dástúrli dinder kóshbasshylary sezi hatshylyǵynyń HІH otyrysynda Dinaralyq dıalog boıynsha Papa Keńesiniń ıslam jónindegi bıýro basshysy Monsenor Haled Akashe Qazaqstannyń dinı dıalog ornatýǵa qosqan úlesin eekshe baǵalady, dep habarlaıdy QazAqparat tilshisi.

«Shyn máninde ár adam – qudiretti jáne jomart jaratýshymyzdyń sheksiz baılyǵy men erekshe jomarttyǵynyń kýási. Biz osy ortaǵa qaıta kelip, kezdesýdiń sáti túskenine qýanyshtymyz. Biraq, árıne, quzyretti organdardyń barlyq qajetti usynystaryn oryndap otyrmyz. Joǵary mártebeli Máýlen Áshimbaev myrzaǵa izgi tilegimdi bildirgim keledi», - degen din ókili óz duǵalaryn pandemııadan zardap shekkenderdiń bárine baǵyshtaıtynyn aıtty.

«Pandemııa adamzatqa, memleketterge, dinı qaýymdastyqtarǵa, barshamyzǵa densaýlyq saqtaý, ekonomıka, áleýmettik kelisim nemese yntymaqtastyq sııaqty ómirimizdiń kóptegen salalaryndaǵy shekteýler men kemshilikter týraly bilýge múmkindik berdi. Din kóshbasshylary men olardyń artynda turǵan qaýymdastyqtar pandemııadan zardap shekkenderge tilektestik bildiredi», - dedi Monsenor Haled Akashe.

Dinaralyq dıalog boıynsha Papa Keńesiniń ıslam jónindegi bıýro basshysy osyndaı kúrdeli kezeńde dástúrli sezdiń ótýine kúsh sala bilgen Qazaqstan basshylyǵyna alǵysyn aıtty.

«Biz VII sezdi asyǵa jáne úmitpen kútemiz, joǵary mártebeli QR Tuńǵysh Prezıdenti-Elbasy Nursultan Nazarbaev myrzaǵa sezge bastamashylyq jasaǵany jáne batyl qoldaý kórsetkeni úshin zor rızashylyǵymyzdy bildiremiz. Qazirgi Prezıdent, joǵary mártebeli Qasym-Jomart Toqaev uzaq jyldar boıy hatshylyqty basqaryp, óziniń danalyǵy men darynyn dinaralyq jáne mádenıetaralyq únqatysýdyń ıgi isine jumsady», - dedi din ókili.


Joǵary qaraı