Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Monoqalalardyń halqy 2 esege azaıyp ketti – Memleket basshysy

2021 jyldyń 4 qarasha 2021 12:56

EKІBASTUZ. QazAqparat – Memleket basshysy Qasym-Jomart Toqaev Ekibastuzda monoqalalardy damytý máselelerine arnalǵan jınalys ótkizip jatyr, dep habarlaıdy QazAqparat tilshisi.

Aqordanyń Twitter-degi málimetine sáıkes, QR Prezıdenti jınalys barysynda monoqalalarda halyq sanynyń azaıýy problemasyna nazar aýdartqan.

«Monoqalalar úshin turǵyndardyń oblys ortalyqtary men basqa qalalarǵa kóship ketýi tán bolyp tur. 1999 jyldan beri monoqalalardyń halqy 2 esege, 3 mıllıonnan 1,5 mıllıon adamǵa azaıǵan. Negizinen halyqtyń ekonomıkalyq turǵyda belsendi halqy, ásirese jastar kóship ketip jatyr», - dedi Qasym-Jomart Toqaev.

Buǵan deıin habarlaǵanymyzdaı, búgin Prezıdent Qasym-Jomart Toqaev jumys saparymen Pavlodar oblysynyń Ekibastuz qalasyna keldi. Memleket basshysy jumys sapary barysynda monoqalalardy damytý jóninde keńes ótkizip, Prezıdenttik jastar kadr rezerviniń ókilderimen kezdesedi. Sonymen qatar qaladaǵy ındýstrıaldy kásiporyndarǵa barady dep josparlanǵan.



Joǵary qaraı