Aýa raıy
Astana 14 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Mońǵolııanyń Syrtqy ister mınıstri Qazaqstan Elshisimen kezdesti

2020 jyldyń 27 shilde 2020 20:40

ULANBATYR. QazAqparat – Mońǵolııa eliniń Syrtqy ister mınıstri Nıamtserengıın Enhtaıvan Qazaqstan Respýblıkasynyń Mońǵolııadaǵy Elshisi Jalǵas Ádilbaevpen kezdesti, dep habarlaıdy QazAqparat Montsame News Agencyagenttigine silteme jasap.

Kezdesý basynda Elshi Jalǵas Ádilbaev N.Enhtaıvandy Mońǵolııa eliniń Syrtqy ister mınıstri qyzmetine taǵaıyndalýymen quttyqtap, oǵan eńbekte tabysqa jetýge tilektestigin bildirdi.

Óz tarapynan, N. Enhtaıvan Qazaqstannyń SІM basshysy Muhtar Tileýberdiniń taǵaıyndalýyna baılanysty quttyqtaýyna alǵysyn bildirip, Qazaqstanmen dostyq qatynasty keńeıtý jáne nyǵaıtý, saýda jáne ekonomıkalyq mazmuny bar ekijaqty qatynasty baıytý nıetin bildirdi. Ol sondaı-aq mońǵoldyq tarap koronavırýs pandemııasyna qarsy kúres, Qazaqstannan úılerine qaıtýǵa nıetti Mońǵolııa turǵyndaryn evakýatsııalaý boıynsha tyǵyz yntymaqtastyqty jalǵastyratynyn atap ótti.

Elshi Jalǵas Ádilbaev eki el arasyndaǵy dostyq qatynasty nyǵaıtý jolynda jumys atqarýǵa, joǵary deńgeıdegi saıası dıalogty jandandyrýǵa, eki memleket azamattarymen almasý jáne ekonomıkalyq salada naqty jobalardy iske asyrýǵa daıarlyǵyn bildirdi. Ol sondaı-aq bir-birin tek ekijaqty emes, halyqaralyq jáne aımaqtyq alańda qoldaýǵa qyzyǵýshylyq tanytyp otyrǵanyn rastady.


Joǵary qaraı