Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Motsart áýenimen ósirilgen asqabaqtyń salmaǵy 410,3 keli tartty

2020 jyldyń 21 qyrkúıek 2020 09:27

TAKAMATsÝ. Kıodo-QazAqparat –Ehımo prefektýrasynyń fermeri Hıroesı Ýtsýnomııanyń salmaǵy 410,3 keli asqabaǵy jeksenbide ótken baıqaýda Japonııada ósirilgen eń úlken asqabaq retinde tanyldy. Bul týraly QazAqparat Kıodo agenttigine silteme jasap habarlaıdy.

Bul 68 jastaǵy Ýtsýnomııanyń ekinshi jeńisi. Bir qyzyǵy, ol asqabaqty Motsart áýeniniń kómegimen ósirgen.

2018 jyly salmaǵy 412, 6 kelilik asqabaqty ósirip, birinshi ret jeńiske jetken sharýa ony Japonııanyń dástúrli «enka» balladalary arqyly baptaǵanyn aıtqan edi.

Baıqaýǵa qatysqan toǵyz prefektýranyń 51 qatysýshysy arasynan ekinshi oryndy eldiń shyǵysyndaǵy Tıba prefektýrasynyń turǵyny Akıra Nısıkava enshiledi. Onyń asqabaǵy 385 keli tartty, al úshinshi oryn – ortalyq Japonııanyń Mıe prefektýrasynyń turǵyny Toshıakı Sırakıge buıyrdy (334 keli).

Aıta keter jaıt, Seto ishki aralynda ótkizilgen 34-shi sharanyń qatysýshylary COVID-19 pandemııasyna baılanysty bul joly asqabaqtardy baıqaýǵa ákelmeı, olardyń beınejazbalaryn usynǵan.


Basty sózder: Álem, Aýyl sharýashylyǵy,
Joǵary qaraı