Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mobıldi brıgada kelmese qaıda habarlasý kerek

2021 jyldyń 12 mamyr 2021 18:39

NUR-SULTAN. QazAqparat – Áleýmettik medıtsınalyq saqtandyrý qoryna qarasty medıtsınalyq kómektiń sapasyn baqylaý departamentiniń dırektory Lázzat Shomanova mobıldi brıgadalar qyzmetine qatysty syndarǵa jaýap berdi, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide BAQ ókilderi ÁMSQ mamandaryna elimizdiń ár túkpirinen mobıldi medıtsınalyq brıgadalardyń jaıbasarlyǵyna jáne jetkiliksiz jabdyqtalǵanyna shaǵym kóp túsip jatqanyn jetkizdi.

«Koronavırýs juqtyrǵan naýqastarmen jumys boıynsha mynany túsindirgim keledi. Mobıldi brıgadalar kelmeıtini týraly másele aımaqtyq densaýlyq saqtaý basqarmalarynyń quzyrynda. Mobıldi brıgadalardyń jumysyn Densaýlyq saqtaý basqarmasy uıymdastyrady. Óıtkeni ondaı brıgadalar dárigerlik ambýlatorııalarda ashylady. 5 myń turǵynǵa shaqqanda bir mobıldi brıgada dep eseptelgen. Mobıldi brıgada jiti respıratorlyq vırýstyq ınfektsııa, pnevmonııa jáne koronavırýs juqtyrýy múmkin naýqastarǵa barady. Bul rette, eger atalǵan kómek kórsetilmese nemese emhana bul kómekten bas tartsa, onda qordyń 1406 telefonyna habarlasyp, naýqastirkelgen emhanany kórsetý tıis. Bul qor mamandarynyń shaǵymǵa ýaqtyly jaýap berýi úshin qajet», - dep túsindirdi Lázzat Shomanova.


Joǵary qaraı