Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mobıldi aýdarymdar men tólemder: Feık pen faktini qalaı ajyratamyz

2021 jyldyń 6 jeltoqsan 2021 15:34

NUR-SULTAN. QazAqparat - Qazirgi ýaqytta qoǵamda qyzý talqylanyp jatqan osy taqyrypqa baılanysty QR Qarjy mınıstrliginiń Memlekettik kirister komıtetinde eń jıi qoıylatyn suraqtarǵa jaýap berdi, dep habaraıdy QazAqparat.

TOP-5 jalǵan (feık)

№ 1-feık:

2021 jyldyń 1 jeltoqsanynan bastap barlyq mobıldi aýdarymdarǵa salyq salynady.

Túsindirme: Joq, jeke tulǵalar arasyndaǵy mobıldi aýdarymdar salyq salýǵa jáne tekserýge jatpaıdy. Engizilgen ózgerister deklaratsııada zańdy aınalymdy kórsetpeı, mobıldi aýdarymdar arqyly tólem retinde aqsha qabyldaıtyn kásipkerlerge qatysty.

 

№ 2-feık:

Eger men áriptesterimnen, mekteptegi ata-analardan týǵan kúnderge aýdarym arqyly aqsha alsam, bul úshin menen salyq alynady.
 

Túsindirme: Joq, jeke tulǵalar arasyndaǵy mobıldi aýdarymdarǵa salyq salynbaıdy. Bul rette jeke tulǵalar týraly málimetterdi 2025 jyldan bastap memlekettik kirister organdaryna berý josparlanýda.

Sondaı-aq, bir tulǵanyń kúntizbelik úsh aı qatarynan aı saıyn 80-100 adamnan birneshe ret aýdarymdardy alýy kásipkerlik qyzmetti anyqtaý krıterııleriniń biri bolyp tabylady.

№ 3-feık:

Men jeke kásipkermin, endi mobıldi tólemderinen túsken túsimder úshin de salyq tóleýim kerek pe? Bul eki ret salynǵan salyq qoı! 

Túsindirme: Joq, salyq eki ret salynbaıdy, mobıldi tólemder jańa salyq túri emes jáne qosymsha salyq aýyrtpalyǵyn kótermeıdi.

Jeke kásipkerler ózderiniń zańdy aınalymyn kórsetýi kerek.
Sonymen qatar, salyq demalystary 2023 jylǵa deıin kúshinde ekenin habarlaımyz, onda shaǵyn bıznes salyq tóleýden bosatylady.

№ 4-feık:

Salyq organy jańa 2022 jyldan bastap barlyq jeke tulǵalar týraly barlyq aqparatty bankten alatyn bolady. 

Túsindirme: Joq, jeke tulǵalar týraly aqparatty tek 2025 jyldan bastap, jalpyǵa birdeı deklaratsııaǵa sáıkes, ekinshi deńgeıli bankter beredi dep josparlanýda.

№ 5-feık:

Jańa jyldan bastap mobıldi aýdarymdar men qolma-qol aqsha tólemderiniń esebin júrgizýim kerek pe? 

Túsindirme: Joq, kásipkerlik qyzmetti júzege asyrý kezinde qolma-qol aqshasyz tólemder mobıldi tólemder arqyly qabyldanady (mobıldi aýdarymdar arqyly emes).

Osylaısha, mobıldi tólemderge qarajat kásipkerdiń arnaıy shotyna túsedi.
Deklaratsııada jalpy aınalymdy kórsetý qajet: onyń ishinde alynǵan qolma-qol aqsha men qolma-qolsyz aqsha aınalymy bar.

TOP-5 fakti

1-suraq:

Eger men jumys istep, baqylaý-kassalyq apparatty barlyq satylǵan taýarlarǵa qoldansam, engizilgen normalardyń saldary qandaı bolmaq?

Jaýap: Baqylaý-kassa mashınalaryn paıdalanatyn jáne zańdy aınalymdy kórsetetin kásipkerlerge bul ereje áser etpeıdi.

2-suraq:

Ekinshi deńgeıli bankter potentsıaldy «quqyq buzýshylarǵa» taldaý júrgizip, mundaı salyq tóleýshiler týraly aqparatty memlekettik kirister organdaryna beredi me? Dostary men týystaryna aýdarma jasaıtyn qarapaıym adamdarǵa ýaıymdamaýǵa bolama?

Jaýap: Iá, durys, bul ereje jeke adamdarǵa áser etpeıdi. Potentsıaldy «quqyq buzýshylar» táýekelderdi basqarý júıesimen aıqyndalatyn bolady, onyń krıterııleriniń biri: kúntizbelik úsh aı qatarynan aı saıyn 80-100 adamnan birneshe ret aqsha aýdarymdaryn qabyldaǵan bir tulǵanyń kásipkerlik qyzmeti anyqtalady.

3-suraq:

Engizilgen ózgertýler tek kásipkerlerge qatysty, al jańa jyldan bastap «mobıldi tólemder» degen jańa uǵym paıda bolady jáne bul ózderine yńǵaıly jolmen aqsha aýdaratyn qarapaıym halyqqa áser etpeı me?

Jaýap: Bul ereje tek kásipkerlerge qatysty ekeni ras, bul ereje jeke tulǵalarǵa qoldanylmaıdy.

4-suraq:

Krıterııler týraly mehanızm jobasy resmı túrde jarııalana ma? Mobıldi aýdarymdar úshin bekitilgen krıterıılerdi kóre alamyz ba?

Jaýap: Belgilengen krıterııler qoǵamdyq talqylaý úshin «Ashyq quqyqtyq aktilerde» talqylaý úshin resmı túrde jarııalanady.

5-suraq:

Kásipkerler jańa jyldan bastap mobıldi tólemder arqyly aqsha qabyldaý úshin kásipkerlik qyzmetke bólek shot ashý kerek pe?

Jaýap: Durys, kásipkerlerde mobıldi tólemder arqyly aqsha qabyldaýúshin jeke bıznes-shot bolýy kerek.

Sonymen qatar, jeke tulǵa úshin taýarlardy tóleý kezinde eshqandaı ózgerister bolmaıdy.


Joǵary qaraı