Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

MMA-dan álem chempıonaty: Alǵashqy kúni 6 qazaqstandyq sportshynyń beseýi jeńiske jetti

2022 jyldyń 24 qańtar 2022 22:56

NUR-SULTAN. QazAqparat - 24 qańtarda Abý-Dabıde MMA-dan álem chempıonaty bastaldy. Oǵan 56 elden 421 sportshy qatysýda. Jarystar 18-21 jas (jastar) jáne 21+ (eresekter) jas sanattarynda ótkiziledi, dep habarlaıdy Qazaqstannyń birikken MMA federatsııasynyń baspasóz qyzmeti.

Jarystyń alǵashqy kúninde 6 qazaqstandyq sportshy kúsh synady. Onyń beseýi jeńiske jetip, 1/8 fınalǵa joldama aldy.

Segizburyshqa birinshi bolyp jastar (18-21 jas) arasynda 61,2 kelige deıingi salmaqta shymkenttik Imanǵalı Ábdiqaıym shyqty. Meksıkalyq Horhe Kobospen ótken jekpe-jekte Imanǵalı úsh raýnd boıyna aıqyn basymdyq tanytyp, biraýyzdan jeńiske jetti.

77,1 kelige deıingi jartylaı orta salmaqta óner kórsetken aqmolalyq Bogdan Pshebelskıı birinshi raýndta-aq tehnıkalyq nokaýtpen aıaqtaǵan úndistandyq qarsylasy Sıed Abdýl Nazer Ibrahımge birde-bir múmkindik qaldyrǵan joq.

Taǵy bir shymkenttik sportshy Bekzat Jasııa (65,8 kelige deıin) avstrııalyq Anas Hamdaýımen úsh raýnd ótkizdi. Tóreshiler biraýyz sheshimimen jeńisti qazaqstandyqqa berdi.

Orta salmaqtaǵy Almaty oblysynyń ókili Sanjar Jaqsylyqbaev (83,9 kelige deıin) tabandy beldesýde tájikstandyq Halıd Tolıbzodadan jeńilip qaldy.

Qostanaı oblysynyń sportshysy Vahıd Tımerbıev (93 kelige deıin) Saýd Arabııasynyń jaýyngeri Fahad Alqahtagıge qarsy kımýrany aýyrtý ádisimen jekpe-jekti merziminen buryn aıaqtap, halyqaralyq jarystarda jarqyn debıýt jasady.

Eske salaıyq, Qazaqstan atynan 29 salmaq dárejesi boıynsha 42 sportshy qatysyp jatyr.


Basty sózder: Sport,
Joǵary qaraı