Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mınıstrlikterdiń bıýdjet qarajatyn ıgere almaý sebepteri aıtyldy

2022 jyldyń 12 mamyr 2022 11:34

NUR-SULTAN. QazAqparat – Bıylǵy 4 aıda respýblıkalyq bıýdjetten 5,6 trln teńge jumsaldy jáne 8 mlrd teńge únemdeldi, dep habarlaıdy QazAqparat tilshisi.

Bul týraly QR Premer-Mınıstriniń orynbasary – Qarjy mınıstri Erulan Jamaýbaev Úkimet otyrysynda aıtty.

«Memlekettik bıýdjettiń shyǵystary 98,8%-ke, respýblıkalyq bıýdjettiń shyǵystary – 99,4%-ke, jergilikti bıýdjetterdiń shyǵystary 98,5%-ke atqaryldy. Respýblıkalyq bıýdjet boıynsha 5,6 trln teńge jumsaldy», - dedi Qarjy mınıstri.

Sonymen birge, atqarylmaı qalǵan 31 mlrd teńgeniń 8 mlrd teńgesi únemdelgen, al 23 mlrd teńgesi ıgerilmeı qalǵan.

«Ásirese Qarjy, Mádenıet jáne sport, Qorǵanys jáne Іshki ister mınıstrlikterinde ıgerilmeý kóp baıqalady. Onyń negizgi sebepteri: shart jasasý rásimderin uzaq júrgizý, tólemniń negizdiligin rastaıtyn qujattardyń bolmaýy nemese usynylmaýy, qazynashylyq organdaryna tóleýge beriletin shottardy kesh usyný, oryndalǵan jumystardyń aktileri men shot – faktýralardyń ýaqtyly usynylmaýy, memlekettik satyp alý konkýrstarynyń ótkizilmeýi», - dep túsindirdi ol.

Jergilikti bıýdjet shyǵystary 2,7 trln teńgeni quraǵan jáne 42 mlrd teńge ıgerilmeı qalǵan.


Joǵary qaraı