Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mınıstrlik: Byltyr satyp alynǵan traktor men kombaınnyń 11 paıyzynan ýtılızatsııalyq alym alynǵan

2022 jyldyń 27 qańtar 2022 15:10

NUR-SULTAN. QazAqparat – El astanasynda agroónerkásip keshenindegi qaýymdastyqtar alıansy, salalyq kásipodaqtar men fermerlik odaq ókilderi jıyn ótkizip, kádege jaratý alymyn joıý máselesin talqylady, dep habarlaıdy QazAqparat tilshisi.

Shara barysynda Indýstrııa jáne ınfraqurylymdyq damý mınıstrligi Avtomobıl qurastyrý, arnaıy jáne aýylsharýashylyq mashınajasaý basqarmasynyń basshysy Rýslan Hısamýtdınov byltyr kádege jaratý alymy qansha tehnıkadan alynǵany týraly derekter keltirdi.

«Qazirgi tańda kádege jaratý alymy tek traktorlar men kombaındardan alynady. Basqa aýyl sharýashylyǵy tehnıkalaryna kádege jaratý alymy kózdelmegen. Agroónerkásip kesheni tarapynan biryńǵaı ortaq ustanym daıyndap, Ekologııa, geologııa jáne tabıǵı resýrstar mınıstrliginiń janyndaǵy jumys tobynyń erteńgi otyrysynda aıtýdy usynamyn. Sizderdiń ustanymdaryńyz Indýstrııa jáne ınfraqurylymdyq damý mınıstrliginen bólek Ekologııa mınıstrligi, ózge de múddeli memlekettik organdar estýi úshin solaı istegenimiz durys», - degen mınıstrlik ókili byltyr satyp alynǵan traktor men kombaınnyń 11 paıyzyna ǵana kádege jaratý alymy tólengenin eske saldy.

«Óz tarapymnan mynany qosqym keledi. Aldyn ala qorytyndy boıynsha 2021 jyly 5714 traktor, 1400-den astam kombaın satyp salynǵan. Onyń tek 11 paıyzy ǵana ımporttyq tehnıka bolǵan. ıAǵnı, qalǵan 89 paıyzy otandyq óndiris bolǵandyqtan, Qazaqstannyń aýmaǵynda satyp alynǵan. Al otandyq óndirýshiler ónim qunyna kádege jaratý alymyn qospaıdy. Buǵan sizderdi sendirgim keledi. Sonda byltyr satyp alynǵan traktorlar men kombaındardyń tek 11 paıyzyna ǵana ıeleri kádege jaratý alymyn tólegen», -dedi Rýslan Hısamýtdınov.










































Joǵary qaraı