Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mınıstrlik Almatynyń bas sanıtar dárigeriniń orynbasary jasaǵan málimdemege pikir bildirdi

2022 jyldyń 15 qańtar 2022 17:18

NUR-SULTAN. QazAqparat – Densaýlyq saqtaý mınıstrligi 2022 jylǵy 14 qańtarda «informburo.kz» ınstagram-akkaýntynda jarııalanǵan Almaty qalasynyń Bas memlekettik sanıtarlyq dárigeriniń orynbasary S. Baıǵabylovtyń málimdemesine qatysty pikir bildirdi, dep habarlaıdy QazAqparat.

«Almaty qalasy Bas memlekettik sanıtarlyq dárigeriniń orynbasary S. Baıǵabylovtyń «Almaty qalasy Memlekettik qyzmet isteri jónindegi departamentti tergeý júrgizý úshin qosý týraly» (S. Baıǵabylovtyń dáıeksózi) jýrnalısterge bergen túsiniktemesine qatysty aıtqan sózderi jalǵan. Memlekettik qyzmetshilerge qatysty qyzmettik tergep-tekserý júrgizý tártibi Qazaqstan Respýblıkasy Prezıdentiniń 2015 jylǵy 29 jeltoqsandaǵy № 152 Jarlyǵymen bekitilgen «memlekettik qyzmetshilerge tártiptik jaza qoldaný qaǵıdalarynda» aıqyndalǵan. Qyzmettik tergep-tekserý júrgizý úshin ózge negizder kózdelmegen», - delingen mınıstrlik habarlamasynda.

Sonymen qatar vedomstvo basqa adamnyń ar-namysy men qadir-qasıetine nuqsan keltiretin nemese onyń bedeline nuqsan keltiretin jalǵan málimetter taratý Qazaqstan Respýblıkasynyń qoldanystaǵy zańnamasyna sáıkes jaýaptylyqqa ákep soǵatynyn eske saldy. Osyǵan baılanysty, memlekettik organdar Memlekettik qyzmet isteri jónindegi agenttikke durys emes málimetterdi taratý arqyly etıkalyq normalardyń buzylýyna baılanysty máselelermen júginýge quqyly.

«Budan basqa, Mınıstrlik 2022 jylǵy 13 qańtarda «Kazinform» halyqaralyq aqparattyq agenttiginiń paraqshasynda jáne «Baigenews» saıtynda Almaty qalasy Bas memlekettik sanıtarlyq dárigeriniń orynbasary S.Baıǵabylovtyń taǵaıyndaý boıynsha shatasýshylyq týdyrǵan jarııalanymyna teriske shyǵarý jarııalady. Osyǵan baılanysty, bul ýáji de shyndyqqa sáıkes kelmeıdi. Pikirsaıystar ótkizý máselesi boıynsha «Memlekettik qyzmet týraly» QR Zańynda belgilengen talaptarǵa sáıkes oryndaý úshin alynǵan basshynyń ókiminiń zańdylyǵyna kúmán týyndaǵan jaǵdaıda, memlekettik qyzmetshi bul týraly óziniń tikeleı basshysyna jáne ókim bergen basshyǵa jazbasha nysanda dereý habarlaýǵa tıis. Baıandalǵandy eskere otyryp, Mınıstrlik jalǵan aqparat berýden bas tartýǵa jáne halyqtyń sanıtarııalyq-epıdemıologııalyq salamattylyǵy salasyndaǵy laýazymdy adamdardyń basty fýnktsııasy - adamdardyń ómiri men densaýlyǵyn qorǵaýdy júzege asyrýǵa barlyq kúsh-jigerin jumsaýǵa shaqyrady», - dep atalyp ótken vedomstvo málimetinde.

Aıta keteıik , jaqynda Almatynyń bas sanıtarlyq dárigeri bolyp Qarlyǵash Ábdijabbarova taǵaıyndaldy.

Osyǵan baılanysty QR Densaýlyq saqtaý mınıstrligi Almaty qalasy bas sanıtar dárigeriniń taǵaıyndalýyna qatysty túsinikteme berdi.

«Sádýaqas Baıǵabylov QR Densaýlyq saqtaý vıtse-mınıstri – Bas memlekettik sanıtarlyq dárigeriniń 2021 jylǵy 23 sáýirdegi № 236 qaýlysy qosymshasyna sáıkes, Almaty qalasynyń Bas memlekettik sanıtarlyq dárigeriniń orynbasary bolyp tabylady jáne Bas memlekettik sanıtarlyq dáriger ýaqytsha bolmaǵan kezeńde onyń mindetterin atqarady», - dep jazylǵan DSM málimetinde.

Mınıstrlik osynyń bárin tize kelip, Almaty qalasynyń Bas sanıtar dárigeri Q.Ábdijabbarovany taǵaıyndaýda eshqandaı jańylysý jáne sabaqtastyqtyń bolmaýy joqtyǵyn málimdedi.


Joǵary qaraı