Mınıstrler týystarynyń basshylyq qyzmet atqarýyn talqylaý kerek – Senat tóraǵasy

NUR-SULTAN. QazAqparat - Mınıstrler nemese ákimder týystarynyń basshylyq laýazymdarǵa kelýine tyıym salý máselesin talqylaý kerek bolady. Bul týraly Senat Tóraǵasy Máýlen Áshimbaev aıtty, dep habarlaıdy QazAqparat tilshisi.

Palatanyń jalpy otyrysynan keıin tilshiler Senat tóraǵasynan Prezıdent týystaryna basshylyq qyzmetterge kelýine tyıym salý tapsyrmasyna qatysty suraq qoıdy. «Endi mınıstrler jáne basqa da birinshi basshylarǵa osyndaı shara qoldaný kerek pe?», - dep surady palata tóraǵasynan.

«Bul másele qazir Konstıtýtsııalyq reformalardyń aıasynda prezıdentikke qatysty qaralyp jatqanyn bilesizder. Basqa tulǵalarǵa qatysty, ıaǵnı mınıstrlerge nemese ákimderge baılanysty da qaraý kerek shyǵar. Biraq qandaı formada bolatynyn qazir aıtý qıyndaý. Biz aldymen Konstıtýtsııaǵa ózgerister engizeıik. Bul baǵytta jumys júrip jatqanyn bilesizder, jumys tobyna senatorlar da qatysyp jatyr», - M. Áshimbaev

Osy oraıda Senat tóraǵasy Konstıtýtsııaǵa iri ózgerister engiziletinin atap ótti.

«Sodan keıin mundaı máselelerdiń barlyǵyn basqa da zańdarda qarastyramyz. Biraq onyń qandaı formada bolatynyn sol zańdardy talqylaǵan kezde aqyldamasyz», - dedi Máýlen Áshimbaev.

Qazaqstanda Prezıdenttiń jaqyn týystarynyń saıası memlekettik qyzmetshiler men basshylar laýazymdaryna ornalasýǵa zańnamalyq tyıym salynady. Bul týraly Memleket basshysy Qasym-Jomart Toqaev halyqqa joldaýynda málim etti.

Konstıtýtsııaǵa Prezıdenttiń jaqyn týystarynyń joǵary laýazymdarǵa otyrýyna tyıym engiziledi. Zań kúshine engennen keıin Prezıdent týystary laýazymdaryn bosatady.

QR Ádilet mınıstri Qanat Mýsın laýazymdy qyzmetke taǵaıyndala almaıtyn Prezıdenttiń jaqyn týystaryna kimder kiretindigin aıtty.