Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr Turǵymbaev áıeldi sýıtsıdten qutqarǵan polıtseılerdi medalmen marapattady

2021 jyldyń 29 qarasha 2021 05:08

AQTAÝ. QazAqparat – Mańǵystaý oblysynda sýıtsıdke barmaq bolǵan áıeldi qutqarǵan polıtseıler marapattaldy, dep habarlaıdy QazAqparat Polisia.kz saıtyna silteme jasap.

Mańǵystaý oblysy Polıtsııa departamentiniń basshysy Janarbek Baqtybaev garnızondyq saptyq jıyn barysynda úsh polıtseıge medaldar tabystady.

QR Іshki ister mınıstri Erlan Turǵymbaevtyń buıryǵymen Aqtaý qalasy polıtsııa basqarmasy patrýldik polıtsııa batalonynyń qyzmetkerleri, atap aıtsaq vzvod komandıri Bolat Ibragım jáne qyzmet ınspektorlary Baýyrjan Sarsenbaev pen Ádil Izanov «Quqyq tártibin qamtamasyz etýge qosqan úlesi úshin» medalimen marapattaldy.

29 qazan kúni Aqtaýda polıtseıler 9 qabattan sekirmek bolǵan áıeldi qutqaryp qalǵan bolatyn. Polıtseılerdiń úılesimdi áreket etýi 46 jastaǵy azamatshanyń ómirin saqtap qaldy. Departament bastyǵy Janarbek Baqtybaev tártip saqshylaryna qyzmetteri úshin alǵysyn bildirdi.

««Jurtqa jaqyn polıtsııa» qaǵıdaty jáne polıtsııanyń servıstik modelge ótýine sáıkes halyqpen qarym-qatynas oń jolǵa qoıylyp, olardyń qaýipsizdigin qamtamasyz etý basty orynda bolýy tıis», – dep atap ótti Janarbek Baqtybaev.


Joǵary qaraı