Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Mınıstr mektep ashanalaryna qatysty tórt problemany atady

2022 jyldyń 24 mamyr 2022 08:57

NUR-SULTAN. QazAqparat - Bilim jáne ǵylym mınıstri Ashat Aımaǵambetov áleýmettik jelidegi paraqshasynda óńirlerge jıi shyǵyp, aýyl mektepterin de, qala mektepterin de aralaý mańyzdy ekenin aıtty, dep habarlaıdy QazAqparat tilshisi.

Onyń paıymynsha, muǵalimdermen, oqýshylarmen jáne ata-analarmen kezdesýler mınıstrlik qabyldaǵan sheshimderdiń is júzinde qalaı júzege asyrylyp jatqanyn kórsetedi.

«Mınıstrliktiń mektepter, kolledjder jáne balabaqshalardy basqarý bóliginde quzyreti joq ekeni qupııa emes. Olardy qarjylandyrý, jumysyn uıymdastyrý jáne ony júzege asyrý, basshylardy taǵaıyndaý jáne bosatý sııaqty jumystyń barlyǵy zańmen ákimdikterge bekitilgen. Sondyqtan baqylaýda ustap otyrýdyń mańyzdylyǵy joǵary.

Óńirlerdegi mektepterdi aralaǵanda ózim úshin túrtip qoıǵan ózekti máselelerdiń biri – mektep ashanalarynyń jumysy.

Bul baǵytta baqylaýǵa alynatyn jáne normatıvtik quqyqtyq aktiler deńgeıinde sheshiletin birneshe problema bar.

1. Osyǵan deıin ashanalarda qolma-qol aqshasyz tólem júıesin engizý talabyn bekittik. Munyń birneshe artyqshylyǵy bar. Bul gıgıenanyń saqtalýyna ári kezektiń tez jyljýyna kómektesedi. Sondaı-aq balalarda qolma-qol aqshanyń bolmaýy olardy qaýipterden saqtaıdy. Ata-analarǵa da shyǵyndardy baqylaý ońaıyraq bolady. Biraq kóbinese qolma-qol aqshasyz tólem júıeleri óshirilip, paıdalanylmaıdy.

2. Býfet ónimderiniń quny. Mektep ashanasynda 0,5 lıtr sý 300 teńgeden nemese bálishter men toqashtardyń dúkenderdegi baǵadan joǵary baǵada satylatyny suraq týyndatady. Bir qalada birdeı ónim baǵasynda 50-70%-ǵa deıin aıyrmashylyq bolýy múmkin.

3. Keıbir óńirler ashanalardy MJÁ (Memlekettik-jekemenshik áriptestik) arqyly jeke kásipkerlerge berip júr. Biz MJÁ-niń damýyn qoldaımyz. Biraq keıde bul konkýrsty ótkizbeý úshin jáne ashanany kásipkerge tikeleı (10-15 jylǵa) berý úshin jasalady.

Birinshiden, biz konkýrssyz Jeke qarjylyq bastama (JQB) boıynsha emes, konkýrs ótkizilý kerek dep sanaımyz. Ekinshiden, salym somasy az mólsherde, mysaly, 5-7 mln teńge emes, tıisti kólemde bolýy mańyzdy. Kórsetiletin qyzmetterdiń sapasyn este saqtap, bul qarajattar tońazytqyshtar, plıtalar, ústelder men oryndyqtardy satyp alýǵa jumsalatynyn túsiný mańyzdy. ıAǵnı, saıyp kelgende kásipker óz jumysyna qarajat salady. Úshinshiden, biz jumystyń aqylǵa qonymdy merzimderin belgilegendi qoldaımyz.Ashanany 15-20 jylǵa kelisimshart jasaý suraq týǵyzady.

4. Mektep ashanalarynda Densaýlyq saqtaý mınıstrliginiń buıryǵymen tyıym salynǵan ónimderdi satý (mysaly, fastfýd, gazdalǵan sýsyndar, chıpsy jáne t.b.). Mınıstrliktiń qyzmetkerleri birneshe oblysqa baryp, birqatar mektepte osyndaı faktilerdi anyqtady. Ásirese Túrkistan oblysynda. Mundaı faktiler anyqtalǵan jaǵdaıda dereý SES organdaryna habarlasý qajet», - dep jazdy vedomstvo basshysy.

Mınıstrlikte osy problemalardy normatıvtik deńgeıde sheshý úshin jumys toby qurylǵan.

«Biz zańnamaǵa birqatar tolyqtyrý engizýge bastama jasadyq, olardyń sheńberinde arnaıy normalar bekitiledi. Bul normalar - ashanalardaǵy býfet ónimderiniń baǵasyn retteý, ashyq konkýrstar jáne aqylǵa qonymdy kezeńge MJÁ arqyly ashanalardy berý, qolma-qol aqshasyz tólemdi jáne tamaqtanýdyń tıisti sapasyn qamtamasyz etý. Biz kásipkerlerdiń múddelerimen de sanasý keregin túsinemiz, biraq biz úshin balalar árqashan birinshi orynda. Demek, bul olardyń quqyqtary men múddelerin qorǵaýdy bildiredi», - dep tolyqtyrdy Ashat Qanatuly jazbasyn.

Mınıstrlik atalǵan baǵyttar boıynsha jumysty jalǵastyrady.


Joǵary qaraı