Aýa raıy
Astana 17 °S
Almaty 25 °S
valıýta baǵamy
USD 412.55
EUR 468.66
RUB 5.79
CNY 58.80

Mınıstr qarjy pıramıdalarynyń úsh belgisin atady

2020 jyldyń 12 maýsym 2020 17:09

NUR-SULTAN. QazAqparat – Qarjy mınıstri Erulan Jamaýbaev qarjy pıramıdalarynyń úsh ereksheligin atap, halyqty saq bolýǵa shaqyrdy, dep habarlaıdy QazAqparat tilshisi.

«Keıbir pıǵyldy adamdar basqa azamattardyń ómirlik qıyn kezeńin, halyqtyń qarjylyq saýatsyzdyǵyn paıdalanyp, qarjy pıramıdalaryn qurady. Olardyń maqsaty – halyqtyń qarajatyn qaltaǵa basý. Mundaı zańsyz uıymdardyń jolyn kesý jumystaryn Ekonomıkalyq tergeý qyzmeti men ІІM júrgizedi. Bıyldyń ózinde Ekonomıkalyq tergeý qyzmeti bul baǵytta 21 qylmystyq is qozǵaǵan. Sonymen birge psevdolotoreıa máselesi de bar. Mundaı ispen aınalysqan adamdar Almatyda anyqtalǵan bolatyn. Avtokólik oınatyp, artynsha senip qalǵan azamattardyń qarajatyn jymqyrǵan», - dedi Erulan Jamaýbaev halyq onlaın esep berýden keıin OKQ-da uıymdastyrylǵan baspasóz máslıhatynda.

Mınıstrdiń aıtýynsha, qarjy pıramıdasyna qatysty Almatydaǵy is boıynsha 200 mln teńge shyǵyn keltirilgen. Aryzdanýshylardyń sany 2 myńnan asyp ketken. Qazir ol is boıynsha eki adam qylmystyq iske tartylýda.

«Mundaı qylmystardyń aldyn alý úshin qandaı jumystardy qolǵa alyp jatyrmyz? Eń birinshi kezekte, BAQ arqyly túsindirý jumystaryn júrgizemiz. Azamattardy saq bolýǵa shaqyramyz. Áleýmettik jelilerge monıtorıng jasaımyz. Sonymen birge bizdiń qarjylyq barlaý qyzmeti ekinshi deńgeıli bankterge qarjy pıramıdalarynyń tıpologııasyn joldaıdy», - dedi ol.

Erulan Jamaýbaev qarjy pıramıdalardyń birinshi qatysýshylary kiriske kenelgenimen, odan keıingi tartylǵandary opyq jeıtinin jetkizdi.

«Qarjy pıramıdalarynyń bir belgisi – uıymdastyrýshylar bank depozıtterinen kóp tabysqa keneletińizge ýáde beredi. Ekinshiden, kiriske qandaı jaǵdaıda bolmasyn keneletinińizge sendiredi. Úshinshiden, mundaı uıymdar qarjylyq jaǵynan ashyq bolmaıdy. Sonymen qatar olar jarnama úshin áleýmettik jelini erekshe paıdalanady. Mundaı belgilerdi sezip, kórip qalsańyz, saq bolǵanyńyz jón», - dedi ol.


Joǵary qaraı