Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr eldegi solıarka tapshylyǵyna qatysty túsinikteme berdi

2021 jyldyń 30 qyrkúıek 2021 16:14

NUR-SULTAN. QazAqparat – Eldegi solıarka tapshylyǵy neden týyndady jáne defıtsıt qalaı sheshilip jatyr? Qazaqstandaǵy janar-jaǵarmaı tapshylyǵy týraly QR Energetıka mınıstri Maǵzum Myrzaǵalıev aıtyp berdi, dep habarlaıdy QazAqparat tilshisi.

«Eldegi janar-jaǵarmaı tapshylyǵy problemasy búgin paıda bolǵan joq. Tamyz aıynan bastap onyń qory azaıa bastady, onyń ústine egin jınaý maýsymy bastaldy. Onyń birinshi sebebi - shekaralas eldermen salystyrǵandaǵy baǵa aıyrmashylyǵy. Mysaly, Reseımen aıyrmashylyq - 90 teńge, al ońtústiktegi kórshilerimizben salystyrǵanda - 70-80 teńge aıyrmashylyq bar. Atalǵan máseleni sheshý úshin meniń orynbasarym men sala ókilderi birge Máskeýge bardy. Ondaǵy zaýyttarmen kelisim júrgizip, solıarkany Reseıden ákele bastadyq. Eger 1-20 qyrkúıek aralyǵynda elimizde syrttan 5 myń tonna solıarka ákelinse, sońǵy bir aptanyń kóleminde 15 myń tonna solıarka jetkizildi», - dedi Maǵzum Myrzaǵalıev Úkimet úıinde onlaın ótken baspasóz máslıhatynda.

Sondaı-aq, mınıstr eldegi otyn baǵasyna qatysty pikir bildirdi.

«Janar-jaǵarmaı baǵasyna kelsek, ol naryqqa baılanysty. Árıne mınıstrlik tarapynan elde janar-jaǵarmaı tapshylyǵy bolmaýy úshin barlyq shara qarastyrylady. Degenmen naryq jaǵdaıynda ómir súrip jatqanymyzdy umytpaǵan jón. Baǵa máselesi árdaıym nazarda bolady», - deıdi ol.


Joǵary qaraı