Aýa raıy
Astana -24 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr Tsoı týberkýlezben kúres sharalaryn málim etti

2020 jyldyń 20 qarasha 2020 12:10

NUR-SULTAN. QazAqparat – Álemde 2020-2025 jyldar aralyǵynda COVID-19 áseri saldarynan týberkýlezge shaldyqqan 1,4 mıllıon naýqas qaıtys bolýy múmkin. Bul týraly 18-19 qarashada ótken «Týberkýlezdi toqtatý» Seriktestik keńesi basqarmasynyń 33-otyrysynda aıtyldy, dep habarlaıdy QazAqparat.

Otyrysqa QR Densaýlyq saqtaý mınıstri Alekseı Tsoı qatysty.

«Álemdik qaýymdastyq týberkýlezge shaldyqqan árbir naýqasty nazardan, medıtsınalyq jáne áleýmettik kómekten tys qaldyrmaýy kerek. Ásirese pandemııa kezinde. Onyń ústine, Dúnıejúzilik densaýlyq saqtaý uıymynyń baǵalaýy boıynsha 2020-2025 jyldar aralyǵynda 6,3 mıllıon adam týberkýlezge shaldyǵady jáne COVID-19 áseri saldarynan 1,4 mıllıon naýqas qaıtys bolýy múmkin», - delingen QR Densaýlyq saqtaý mınıstrliginiń aqparatynda.

«Álem elderi birigip kúreskende ǵana qoǵamdyq aýrýǵa aınalǵan týberkýlezdi joıa alamyz», - dedi A. Tsoı.

Jıyn aıasynda Afrıka Densaýlyq saqtaý mınıstrleriniń qatysýymen dóńgelek ústel otyrysy ótti. Onda mınıstr Alekseı Tsoı álemdik qoǵamdastyqty, ásirese koronavırýs ınfektsııasy pandemııasy kezinde Medıtsınalyq-sanıtarlyq alǵashqy kómekti kúsheıtýge shaqyrdy. Mınıstr qazir Qazaqstannyń týberkýlezben aýyratyn naýqastarǵa statsıonarlyq deńgeıde kómek kórsetý modelinen MSAK jáne statsıonardy almastyratyn emdeý modeline kóshkenin habarlady.

«Biz týberkýlezge qarsy uıymdardy qarjylandyrýdyń jańa tetigin ázirledik. Tósek-oryn qoryn qysqartý esebinen únemdelgen qarajat qaıta bólinedi. Osylaısha, týberkýlezge shaldyqqan naýqastardy ambýlatorııalyq emdeý múmkindigi keńeıdi, emdeý men profılaktıkada jańa tehnologııalar qoldanylýda, MSAK deńgeıinde naýqastarǵa psıho-áleýmettik qoldaý kórsetiledi», - dedi A. Tsoı.


Joǵary qaraı