Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mınıstr Atamqulov turǵyn úı baǵasyna boljamyn aıtty

2021 jyldyń 30 qarasha 2021 01:08

NUR-SULTAN. QazAqparat – «Habar» telearnasyndaǵy «Ult múddesi» baǵdarlamasynda QR Indýstrııa jáne ınfraqurylymdyq damý mınıstri Beıbit Atamqulov turǵyn úı baǵasynyń qalaı ózgeretinine boljamyn bildirdi, dep habarlaıdy QazAqparat tilshisi.

«Meniń boljamym boıynsha, jańadan qoldanysqa berilýi tıis sharshy metrler qazirgi suranysty qanaǵattandyryp, baǵalar turaqtanady», - dedi Beıbit Atamqulov.

Sondaı-aq, mınıstr qurylys salasynda jumys kúshi nelikten jetpeı jatqanyn túsindirdi.

«Kranshylar, dánekerleýshiler jetpeı jatyr. Jumys istep júrgen jastardyń, eki qolǵa bir kúrek surap júrgen eńbekke jaramdy halyqtyń kóp ekenine qaramastan, qurylys salasynda vakansııalar bar. Paradoks dese de bolady. Qazir Bilim jáne ǵylym mınıstrligimen jumys istep jatyrmyz. Qurylys salasyndaǵy qaýymdastyqtarmen birge naryqqa qajet jumysshy mamandyqtardyń tizimin túzip shyqtyq», - dedi vedomstvo basshysy.

Sondaı-aq, ol zaman talaby ınjenerlik mamandyqtardy tartymdy ete bastaǵanyn eske saldy.

«Búgingi tańda keıbir jumysshy mamandyqtardyń jalaqysy joǵary. Sonda da maman tabý qıyn. ıAǵnı, keleshekte ınjenerlik mamandyqtarǵa baratyn jastardyń býyny ósip kele jatyr degen sóz. Qazirdiń ózinde joǵary oqý oryndarynyń túlekteri qarapaıym jumysshy retinde eńbek etip júrgen baǵyttar bar», - dedi Beıbit Atamqulov.


Joǵary qaraı