Aýa raıy
Astana 14 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Mınıstr Armenııadan ákelingen kólikterge qatysty jaǵdaıdy túsindirdi

2020 jyldyń 12 maýsym 2020 16:26

NUR-SULTAN. QazAqparat – Qarjy mınıstri Erulan Jamaýbaev Armenııadan ákelinetin kólikterge qatysty jaǵdaıdy túsindirdi, dep habarlaıdy QazAqparat tilshisi.

«1 aqpanǵa deıin ákelingen kólikterge aıqyndalǵan sheshim bar. Úkimettiń tıisti qaýlysy qabyldandy. ıAǵnı, ol kólikter ýaqytsha esepke qoıylyp, sary nómir alyp, kóliktik salyqty tóleı beredi. Al Qarjy mınıstrigi tarapynan biz olardy baqylaýǵa alamyz. Al 1 aqpannan keıin ákelingen kólikterge álbette zańnamaǵa sáıkes kedendik bajdy tóleýge týra keledi», - dedi Erulan Jamaýbaev OKQ alańynda ótken halyqqa esep berý kezdesýinde.

Qarjy mınıstri Armıan Respýblıkasynyń memlekettik kirister organy tarapynan da salyqtyq mindettemeler boıynsha másele týyndaýy múmkin ekenin eskertti.

«Biz bul máselege baılanysty armıan tarapymen kelissóz júrgizip jatyrmyz. Bizdiń eldiń aýmaǵynda sol jaqtyń nómirindegi kólikti júrgizip júrgender salyqty bizdiń elde tóleýi kerek», - dedi Erulan Jamaýbaev.


Joǵary qaraı