Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Mıgrant» jedel aldyn alý sharasy: 84 adam Qazaqstan aýmaǵynan shyǵaryldy

2021 jyldyń 17 maýsym 2021 20:24

NUR-SULTAN. QazAqparat – 7-16 maýsym aralyǵynda elordada kóshi-qon protsesteriniń krımınogendik jaǵdaıǵa áserin azaıtý maqsatynda «Mıgrant» jedel aldyn alý sharasy ótti, dep habarlaıdy QazAqparat tilshisi Nur-Sultan qalalyq Polıtsııa departamentiniń baspasóz qyzmetine silteme jasap.

Qala aýmaǵynda polıtsııa jasaqtary kúsheıtildi, zańsyz mıgranttar men ishki ister organdarynda ýaqytyly tirkelmegen tártip buzýshylardy anyqtaý maqsatynda reıdter sany artty.

Kóshi-qon qyzmetiniń ótkizgen sharasynyń qorytyndysy boıynsha Qazaqstan Respýblıkasynda bolý erejelerin buzǵany úshin 1700-ge jýyq sheteldik jaýapqa tartyldy. Sheteldikter men azamattyǵy joq tulǵalardy qabyldaıtyn QR 336 azamaty elde bolý erejelerin buzǵany úshin ákimshilik jaýapqa tartyldy. Sheteldikterdiń eńbek qyzmetin zańsyz júzege asyrǵany úshin 66 jumys berýshige aıyppul salyndy. Zańnamany buzǵany úshin qabyldaý ornyna TMD-nyń 300-den astam azamaty ornalastyryldy.

Sondaı-aq, qyzmetkerler elden shyǵaryp jiberý týraly sot sheshimin oryndamaǵan sheteldikter men azamattyǵy joq tulǵalardy anyqtaıdy jáne elden jiberedi. Jedel aldyn alý sharasy bastalǵaly beri shekaralas memleketterdiń azamattary bolyp tabylatyn 84 zańsyz mıgrant elden májbúrlep shyǵaryldy.

Kóshi-qon jónindegi halyqaralyq uıymmen birlesip polıtsııa qyzmetkerleri otanyna 23 adamdy qaıtardy, onyń 20-sy – Ózbekstan azamaty, 2-eýi – Ázerbaıjan Respýblıkasynyń azamaty jáne bir – Reseı azamaty.

Sonymen qatar reıd barysynda elden shyǵaryp jiberý týraly sot sheshimin oryndamaǵan 7 sheteldik ustaldy.

Polıtseıler elden shyǵaryp jiberý týraly sot sheshimin oryndamaý qylmystyq jazalanatyn áreket ekenin jáne qylmystyq zańnamaǵa sáıkes jaýapkershilikke ákep soǵatynyn eske salady.


Basty sózder: Zań, Nur-Sultan,
Joǵary qaraı