Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Merzimdi qyzmettegi áskerı qyzmetshilerge deklaratsııa tapsyrý merzimi uzartylady

2021 jyldyń 17 qyrkúıek 2021 14:08

NUR-SULTAN. QazAqparat - Jalpyǵa birdeı deklaratsııalaý júıesine kirý kezinde aktıvter men mindettemeler týraly deklaratsııa bir ret usynylady. Bul týraly Memlekettik kirister komıtetine silteme jasap QazAqparat habarlaıdy.

Aktıvter men mindettemeler týraly deklaratsııany jeke tulǵa mynandaı erekshe jaǵdaılardy qaıta usynady:

- saılanbaly nemese memlekettik laýazymǵa ne memlekettik nemese olarǵa teńestirilgen fýnktsııalardy oryndaýǵa baılanysty laýazymǵa kandıdat;

- banktiń, saqtandyrý (qaıta saqtandyrý) uıymynyń, ınvestıtsııalyq portfeldi basqarýshynyń iri qatysýshysy bolǵasy keletin tulǵalar;

- joǵaryda atalǵan adamdardyń jubaılary.

«Sondaı-aq, salyq zańnamasyna sáıkes jeke tulǵa buryn usynǵan aktıvter men mindettemeler týraly deklaratsııasyna ózgerister jáne (nemese) tolyqtyrýlar engizilýi qajet bolsa, qosymsha deklaratsııany tapsyrýyna bolady»,- dep tolyqtyrdy MKK-de.

2021 jylǵy 15 qyrkúıekte jalpyǵa birdeı deklaratsııalaýdyń birinshi kezeńiniń aktıvter men mindettemeler týraly deklaratsııasyn tapsyrý merzimi aıaqtalǵan bolatyn.

Jeke tulǵalardyń deklaratsııalary boıynsha merzimdi uzartý quqyǵy salyq organyna merzimdi uzartý týraly habarlama jiberilmesten, merzimdi qyzmettegi áskerı qyzmetshilerge beriledi.

Jeke tulǵalardyń deklaratsııalaryn áskerı qyzmetshilerdiń usyný merzimi jergilikti áskerı basqarý organynan áskerı qyzmetti ótkerý ornyna ketýi týraly buıryq shyǵarylǵan kúnnen bastap merzimdi qyzmetti ótkerý ýaqyty kezeńine uzartylady.


Joǵary qaraı