Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Men barǵym keletin Koreıa - qazaqstandyqtar arasynda baıqaý jarııalandy

2021 jyldyń 21 shilde 2021 13:09

NUR-SULTAN. QazAqparat – Koreıa Respýblıkasy Elshiliginiń koreı mádenı ortalyǵy 19 shilde men 10 qyrkúıek aralyǵynda «Koreıaǵa saıahat» onlaın esse baıqaýyn ótkizedi, dep habarlaıdy QazAqparat tilshisi.

Baıqaýǵa qatysýshylar Koreıanyń kórkem jerlerine saıahat týraly shaǵyn shyǵarmalaryn usynýy kerek.

«Іs-shara Koreıaǵa barǵysy keletin, biraq COVID-19 pandemııasy kezeńinde saıahattaýǵa múmkindigi joq qazaqstandyqtar úshin, «Tańǵy jupar eliniń» ózi men óńirleri týraly janama túrde kóbirek bilý úshin arnaıy uıymdastyrylyp otyr. Shyǵarmashylyq baıqaý ótken jyldan beri koreı mádenı ortalyǵynyń saıtynda eki apta saıyn Koreıa Respýblıkasynyń bes óńirin toptap tanystyratyn onlaın fotokórme izimen ótkeli tur», - deıdi ortalyq mamandary.

Uıymdastyrýshylardyń aıtýynsha, baıqaýǵa qatysý úshin qazaqstandyqtar eldiń kez kelgen núktesinde otyryp «Koreı týrıstik onlaın fotokórmesin» tamashalaı alady. Sonyń ishinde ózine unaǵa bir sýretti tańdap, sonyń negizinde «Men barǵym keletin Koreıa» nemese «Men aıtqym keletin Koreıa» taqyrybyna shaǵyn esse jazýy kerek. Ótinimdi Qazaqstan Respýblıkasynyń 13 jastan asqan barlyq azamattary bere alady.

Baıqaý qorytyndysy boıynsha koreı mádenı ortalyǵy essesi sátti shyqqan 10 qatysýshyny tańdap, resmı saıtta jarııalaıdy. On jeńimpazǵa COVID-19 pandemııasynan keıin Koreıaǵa sapar kezinde paıdaly bolatyn arnaıy syılyqtar beriledi.

«COVID-19 pandemııasyna baılanysty basqa elderge saıahat shekteýli bolǵanyna qaramastan, osy onlaın fotokórme arqyly qazaqstandyqtar Koreıanyń alýan túrli tabıǵatymen, san qyrly mádenıetimen jete tanysa alady. Bul olardy pandemııadan keıin Koreıaǵa saıahat josparlaýǵa shabyttandyrady dep úmittenemiz. Bir jaǵynan osy shara arqyly pandemııadan qajyǵan qazaqstandyqtardy azdap jigerlendirgimiz keldi», - deıdi Koreı mádenı ortalyǵynyń dırektory Lı Heran.


Joǵary qaraı