Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memlekettik satyp alý salasynda «elektrondy dúken» qoldaný keńeıtiledi

2022 jyldyń 19 mamyr 2022 13:05

NUR-SULTAN. QazAqparat - Qazaqstanda memlekettik satyp alý salasynda «elektrondy dúken» qoldaný keńeıtiledi. Bul jaıynda QR Qarjy vıtse-mınıstri Dáýren Keńbeıil aıtty, dep habarlaıdy QazAqparat tilshisi.

«Ózderińiz de bilesizder, Prezıdenttiń memlekettik satyp alýǵa jáne «Samuryq-Qazyna» qorynyń satyp alýlaryn reformalaýǵa qatysty tapsyrmasy boldy. 2019 jyly Dúnıejúzilik bank Qazaqstannyń satyp alýlaryna zertteý júrgizdi jáne olar aıqyndap bergen usynymdar qabyldandy. Bul satyp alý salasyndaǵy aldyńǵy qatarly álemdik tájirıbe», - dedi Dáýren Keńbeıil Qarjy mınıstrligi men Dúnıejúzilik banktyń birlesken semınarynda.

Іs-shara aıasynda BAQ ókilderine suhbat bergen vıtse-mınıstr elimizde taýarlar satyp alýdy jeńildetý úshin satyp alýdyń «elektrondy dúken» tásili engizilgendigin aıtady.

«Ol tapsyrys berýshi úshin satyp alýdy jeńildetedi. Tapsyrys berýshi is júzinde bir kúnniń ishinde kez kelgen taýardy tehnıkalyq erekshelikteri saı keletin, baǵasy eń tómen kez kelgen satýshydan satyp ala alady. Bul tásil jaqsy qyrynan kórindi. Endi ony munan ary damyta túsemiz. Satyp alýdyń dál osy tásilin «Samuryq-Qazyna» bizden alyp otyr. Olarda «elektrondy dúken» 1 sáýirden bastap jumys isteıdi», - dedi ol.

Onyń aıtýynsha, elektrondy dúken portalynda naqty bir taýar túrin jetkizýmen aınalysatyn jetkizýshi tirkelip, quny 12 mln teńgege deıingi taýarlardy satyp alýǵa qatysa alady.


Joǵary qaraı