Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik qyzmetter ýaqyty 5 mınýtqa deıin qysqartylady - Baǵdat Mýsın

2021 jyldyń 12 qazan 2021 12:49

NUR-SULTAN. QazAqparat – Búgin Úkimet otyrysynda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın saladaǵy ulttyq jobany tanystyrdy, dep habarlaıdy QazAqparat tilshisi.

«Tsıfrlandyrý, ǵylym jáne ınnovatsııalar esebinen tehnologııalyq serpilis» Ulttyq jobasyna toqtalsaq, ony iske asyrý aıasynda tıisti kórsetkishterge qol jetkizý josparlanǵan. Internet jelisiniń ený deńgeıi, ıaǵnı paıdalanýshylardyń sany 91-den 95 paıyzǵa jetkizý, memlekettik qyzmetterdi 9 kúnnen 5 mınýtqa deıin qyzmet kórsetý ýaqytyn qysqartý, bıznesten talap etiletin derekterdiń 50% onlaın esepke alý, Qazaqstan aýmaǵy arqyly «Azııa-Eýropa» jalpy tranzıttik derekterdiń trafık deńgeıin 3%-dan 8%-ǵa jetkizý eskerilgen. Sonymen qatar, IT-eksporty 500 mln AQSh dollaryna jetkizý, ınnovatsııalyq ónim kólemin 1,7- den 2,5 trln teńgege arttyrý, kommertsııalandyrý jobalarynyń jeke qosa qarjylandyrýyn 50 %-ǵa joǵarlatý josparlandy. Ár maqsatqa jetý úshin tıisti is-sharalar qarastyrylǵan», - dedi B. Mýsın.

Ulttyq joba 10 baǵyt jáne 208 is-sharadan turady, olardy iske asyrý 2025 jylǵa deıin josparlanǵan.

Ulttyq joba eki blokqa bólingen:

TsIFRLYQ TRANSFORMATsIıA, ol:

– Qyzmetterdi 5 mınýt ishinde kórsetý;

– IT salasyn damytý;

– Halyq únine qulaq asatyn jáne tıimdi memleket;

– Yńǵaıly ómir súrýge arnalǵan tsıfrlyq quraldardy qoldaný;

– Tehnologııalyq jáne ınnovatsııalyq bıznesti damytý;

– Sapaly ınternet pen aqparattyq qaýipsizdikti qamtamasyz etý.

ǴYLYM blogy;

– Ǵylymı ekojúıeniń básekege qabilettiligin arttyrý;

– Eldiń damýyna ǵylymnyń úlesin arttyrý, ıaǵnı ǴYLYM-ÓNDІRІS-BIZNES prıntsıpin qoldaný;

– Ǵylymdy ákimshilendirýdi jetildirý.

Ulttyq jobany iske asyrý úshin 1,4 trln teńge mólsherinde bıýdjettik qarajat bólý talap etiledi. Onyń ishinde tsıfrlandyrý jáne ınnovatsııalarǵa 587,8 mlrd teńge jáne ǵylym baǵytyna 833 mlrd teńge qarastyrylǵan. Jalpy, ulttyq jobany iske asyrý úshin 800 mlrd teńge jeke ınvestıtsııany tartý qarastyrylǵan.

«IT salasynyń damýy» baǵyty boıynsha jyl saıynǵy eksportty

500 mln AQSh dollarǵa jetkizý, jalpy 500 mlrd. teńge ınvestıtsııa tartý úshin 100 myń jumys ornyn qurý qarastyrylǵan. Sondaı-aq krıptoındýstrııanyń álemdik aınalymynan kiristiń 1%-yn tartý, kórshi memleketterge qyzmet kórsete alatyn DATAHUB qurý eskerilgen», - dedi mınıstr.

«Halyq únine qulaq asatyn jáne tıimdi memleket» baǵytynda:

- memlekettik organdardyń qujat aınalym kólemin 50%-ǵa tómendetý, ıaǵnı tsıfrlyq tehnologııalardy paıdalanýdyń arqasynda qujat aınalymyn qysqartý;

- salalar derekteriniń 50%-yn tsıfrlyq formatta esepke alý.

- smartfon arqyly azamattardyń memlekettik organdarmen ózara baılanysy men memlekettik organdardy baǵalaý qarastyrylǵan.

«Internet jelisine ený deńgeıiniń 95 %-ǵa qol jetkizý úshin mynadaı quraldardy engizý josparlanýda: tómen orbıtadaǵy spýtnıkterdi paıdalaný, aýyl sharýashylyǵy taýarlaryn óndirýshiler baılanys qyzmetterin sýbsıdııalaý, 5G-di oblys ortalyqtarynda jáne respýblıkalyq mańyzy bar qalalarda engizý», - dedi mınıstr.


Joǵary qaraı