Aýa raıy
Astana 6 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik qyzmettegi 1000 zeınetker jumystan bosatylady

2020 jyldyń 18 qyrkúıek 2020 13:32

NUR-SULTAN. QazAqparat – QR Memlekettik qyzmet isteri agenttiginiń tóraǵasy Anar Jaıylǵanova Qazaqstanda memlekettik qyzmetshilerdiń sanyn 25 paıyzǵa qysqartý týraly Prezıdent tapsyrmasy qalaı oryndalatynyn aıtyp berdi, dep habarlaıdy QazAqparat tilshisi.

«Bıyl memlekettik apparatty 10 paıyzǵa, kelesi jyly taǵy 15 paıyzǵa ońtaılandyrý josparlanyp otyr. Osylaısha Prezıdenttiń memlekettik apparatty 25 paıyzǵa qysqartý týraly tapsyrmasy 2021 jyly júzege asyrylady», - dedi Anar Jaıylǵanova OKQ-da ótken baspasóz máslıhatynda.

Agenttik tóraǵasynyń aıtýynsha, qazirgi ýaqytta Qazaqstanda 97 myń memlekettik qyzmetshi bar. Bul – 9,2 mln ekonomıkalyq belsendi halyqtyń 1,1 paıyzy.

«Bul kórsetkish damyǵan memleketterdiń kórsetkishimen saı keledi. Máselen Frantsııada memlekettik qyzmetshilerdiń úlesi 8 paıyzdy, Kanadada 1,5 paıyzdy, Avstralııada 1,4 paıyzdy, AQSh-ta 1,3 paıyzdy quraıdy. Keıingi jyldary Qazaqstanda memlekettik qyzmetshilerdiń sanyn qysqartý baǵytynda jumys júrgizilip jatyr. 2018 jyly bizde 98,7 myń memlekettik qyzmetshi bolsa, 2019 jyly olardyń sany 97,4 myń, 2020 jyldyń І jartyjyldyǵynda 97 myń boldy», - dedi ol.

Memlekettik organdar halyqtyń ómiriniń búkil salasynyń úzilissiz jumysyn qamtamasyz etetinin eskere otyryp, qysqartý saldarynan kelýi múmkin jaǵymsyz jaılardy nazar alyp, birqatar shara qabyldaný kózdelýde.

«Birinshiden ońtaılandyrýǵa jatatyn laýazymdar kezinde eń birinshiden turaqty vakantty laýazymdar qarastyrylady. Búgingi tańda vakansııalardyń sany 8 myń. Bul – memlekettik apparattyń jalpy laýazymynyń 8,5 paıyzy. Sonymen birge zeınetkerlerdiń jumysty bosatýyna baılanysty 1 myń laýazym bos qalady. Odan bólek 6 myń memlekettik qyzmetker jeke sektorǵa nemese basqa da uıymdarǵa aýysady. Bul jaǵdaılar memlekettik qyzmetshilerdiń shynaıy qysqarýyn azaıtar degen senimdemiz», - dedi Anar Jaıylǵanova.


Joǵary qaraı