Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik qaryz qaýipsiz deńgeıde - Álıhan Smaıylov

2020 jyldyń 21 qazan 2020 13:24

NUR-SULTAN. QazAqparat - Májilistiń jalpy otyrysynda Úkimet basshysynyń birinshi orynbasary Álıhan Smaıylov memlekettik qaryz qaýipsiz deńgeıde ekenin aıtty, dep habarlaıdy QazAqparat tilshisi.

Qarjy mınıstri Erulan Jamaýbaev memlekettik qaryz turǵysyndaǵy jaǵdaı kún saıyn baqylaýda ekenin jetkizdi.

«Memlekettik qaryz aıtarlyqtaı qaýipsiz deńgeıde ekenine sendirgim keledi. Bul baǵytta kún saıyn monıtorıng júrgiziledi. Aldaǵy jyldary bıýdjet tapshylyǵy kólemi tómendeıtin bolady. Reıtıng boıynsha bizdiń qaryzdy basqa eldermen de salystyryp otyramyz. Mysaly, Túrkııada memlekettik qaryz kórsetkishi jalpy ishki ónimge shaqqanda 40 paıyz, Meksıkada – 55 paıyz, Indonezııada – 37 paıyz», - dedi mınıstr.

Óz kezeginde Úkimet basshysynyń birinshi orynbasary Álıhan Smaıylov memlekettik qaryz qaýipsiz deńgeıde ekenin rastady.

«27 paıyz deńgeıindegi lımıt – ol tujyrymdama aıasynda bekitken ishki lımıtimiz. Halyqaralyq uıymdar jalpy ishki ónimnen 50 paıyzdyq lımıtti belgileıdi. Qazirgi kezde kóptegen elderdegi daǵdarystyq qubylystarǵa baılanysty osy lımıtti EO elderinde arttyrý jaǵyn pysyqtap jatyr. Jalpy, bul kórsetkishti turaqty monıtorıngpen qamtyp otyrmyz. Atap aıtqanda, úsh jyldyq bıýdjet aıasynda tapshylyqty birtindep tómendetemiz», - dedi Á. Smaıylov.

Budan buryn habarlanǵandaı, bıýdjet tapshylyǵy 2021 jyly jalpy ishki ónimniń 3,4 paıyzynan 2023 jyly kezeń-kezeńmen 2,1 paıyzyna deıin tómendeýimen josparlanǵan.



Avtor Rýslan Ǵabbasov
Basty sózder: Parlament, Bıýdjet, Ekonomıka,
Joǵary qaraı