Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memlekettik hatshy Mánshúk Mámetovanyń eskertkishine gúl shoǵyn qoıdy

2022 jyldyń 9 mamyr 2022 10:37

NUR-SULTAN. QazAqparat – QR Memlekettik hatshysy Erlan Qarın Ekinshi dúnıejúzilik soǵys qaharmany Mánshúk Mámetovanyń eskertkishine gúl qoıý rásimine qatysty, dep habarlaıdy QazAqparat tilshisi.

Jeńis kúnine oraı elordadaǵy Jeńis dańǵylynyń boıyndaǵy «Aqjaıyq» saıabaǵynda saltanatty shara ótti. Jınalǵan qaýym qarǵaldaqtaı qysqa ǵana ǵumyrynda keıingi urpaqqa uran bolatyndaı erlik jasaı bilgen Mánshúk Mámetovanyń eskertkishine gúl qoıyp, soǵys qurbandaryn bir mınýt únsizdikpen eske aldy.

Ekinshi dúnıejúzilik soǵys qazaq tarıhyna Mánshúk Mámetova, Álııa Moldaǵulova, Hıýaz Dospanova sııaqty aıaýly esimderdi qaldyrdy. Hıýaz Dospanova qarsy jaqqa áýeden qyrǵıdaı tıse, Álııa Moldaǵulova mergendigimen jaýdyń záresin aldy. Al Mánshúk Mámetova pýlemetshi retinde tarıhta qaldy.

Resmı tarıh Mánshúk Mámetovanyń 21 jasynda Nevel qalasy úshin shaıqasta erlikpen qaza tapqanyn aıtady. Urystaǵy mańyzdy núkteni jaý qolyna bermeý úshin basyna snarıad jaryqshaǵy tıgenine qaramastan, sońǵy demi shyqqansha aıqasyp, qarsy taraptyń 70 sarbazyn jer jastandandyrǵany tarıhqa qattalǵan. Búgingi sharada qazaqtyń batyr qyzynyń sol erligi ulyqtaldy.







Resmı derek boıynsha Ekinshi dúnıejúzilik soǵysqa Qazaq KSR-nan 1,2 mıllıonnan astam adam attanǵan. Olardyń jartysy elge tiri oralǵan joq. Urysta kórsetken erligi úshin 499 qazaqstandyq marapattalsa, olardyń ishinde 99-y Keńes Odaǵynyń Batyry, Halyq Qaharmany ataqtaryn aldy. Solardyń arasynda Mánshúk Mámetova men Álııa Moldaǵulova da bar.

Buǵan deıin jazǵanymyzdaı, bıyl Prezıdent Jarlyǵymen Ekinshi dúnıejúzilik soǵysta erlikpen qaza tapqan úsh maıdangerge «Halyq qaharmany» ataǵy berildi.











Joǵary qaraı