Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik bıýdjetke 8 trln teńgeden astam kiris tústi – Qarjy mınıstrligi

2021 jyldyń 10 qarasha 2021 12:21

NUR-SULTAN. QazAqparat – QR Qarjy mınıstri Erulan Jamaýbaev Úkimette memleket bıýdjet kiristeri men asyra oryndalǵan josparlar týraly aıtyp berdi, dep habarlaıdy QazAqparat.

«Bıylǵy 10 aıda memlekettik bıýdjetke 8 trln 719 mlrd teńge kiris tústi nemese jospar 102,9%-ke atqaryldy. Respýblıkalyq bıýdjetke 5,6 trln teńge tústi nemese jospar 100,2%-ke atqaryldy. Jalpy, kirister boıynsha jospar 13 mlrd teńgege, onyń ishinde salyqtar - 24 mlrd teńgege asyra oryndaldy. Bul rette salyqtyq emes túsimder 14 mlrd teńgege atqarylmady», - dedi Qarjy mınıstri Úkimet otyrysynda.

Onyń aıtýynsha, salyq boıynsha asyra oryndaýdyń negizgi somalary korporatıvtik tabys salyǵyna, paıdaly qazbalardy óndirýge salynatyn salyqqa jáne shıki munaıǵa eksporttyq kedendik bajǵa tıesili.

«Korporatıvtik tabys salyǵy boıynsha jospardyń asyra oryndalýy 666 iri salyq tóleýshi boıynsha avanstyq tólemderdiń 66,5%-ke ulǵaıýyna baılanysty. Paıdaly qazbalardy óndirýge salyq boıynsha jospardy asyra oryndaýǵa 2020 jylmen salystyrǵanda bıylǵy 10 aıda negizgi eksporttyq pozıtsııalarǵa baǵanyń orta eseppen 28%-ke ósýi áser etti. Shıki munaıǵa eksporttyq kedendik baj boıynsha jospardyń asyra oryndalýyna bıylǵy 10 aıdaǵy munaı baǵasynyń orta eseppen 44,6%-ke ósýi áser etti», - dep túsindirdi E. Jamaýbaev.

Sonymen birge, jergilikti bıýdjetterdiń kiristeri 108,1%-ke atqaryldy jáne 3,1 trln teńgeni qurady. Jospar 231 mlrd teńgege, onyń ishinde salyq boıynsha – 177 mlrd teńgege asyra oryndalǵan.


Joǵary qaraı