Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik bilim granty ıegerleri qashan belgili bolady

2021 jyldyń 11 tamyz 2021 15:37

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov memlekettik bilim berý granttary ıegerleriniń tizimi qashan shyǵatynyn aıtty, dep habarlaıdy QazAqparat tilshisi.

«Biz daıyndalyp jatyrmyz. Bilim berý granttaryn taǵaıyndaý jónindegi respýblıkalyq komıssııanyń birinshi otyrysy ótti. Orynbasarym Qýanysh Erǵalıev ótkizdi. Qazir komıssııa otyrysy ótip jatyr. Tamyzdyń 15-ine deıin bul jumys aıaqtalady dep kútemiz. Sodan keıin ádettegideı taǵaıyndaý qorytyndysyn jarııa etetin bolamyz», - dedi Ashat Aımaǵambetov Tengrinews.kz aqparattyq portalyna bergen suhbatynda.

Aıta keteıik, bıyl Prezıdent tapsyrmasymen granttardyń jalpy sany 5 myńǵa artyp otyr. ıAǵnı, ótken jyly bilim berý granttarynyń sany 51 myń bolsa, bıyl 56 myńǵa deıin artty. Sondaı-aq granttardy bólý kezinde alǵash ret azamattardyń áleýmettik osal sanattary úshin kvotalar kózdelgen.

Osy jyly bilim berý granttaryn taǵaıyndaý konkýrsyna qatysý úshin barlyǵy 75 myńnan astam ótinim berildi. Bul 2020 jylmen salystyrǵanda 13 myńǵa artyq.


Joǵary qaraı