Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memlekettik basqarý akademııasynyń keıbir mamandyqtaryna túsýde aǵylshyn tili talap etilmeıdi

2022 jyldyń 26 mamyr 2022 21:43

NUR-SULTAN. QazAqparat – QR Prezıdenti janyndaǵy Memlekettik basqarý akademııasynyń beıindik magıstratýrasyna oqýǵa túsý talabyna ózgeris engizildi. Bul týraly QR Prezıdenti janyndaǵy Memlekettik basqarý akademııasynyń rektory Erlan Ábil aıtty, dep habarlaıdy QazAqparat tilshisi.

«Memlekettik qyzmetshilerge arnalǵan aqparat. QR Prezıdenti janyndaǵy Memlekettik basqarý akademııasy beıindik magıstratýra boıynsha keıbir bilim berý baǵdarlamalaryna túsý úshin aǵylshyn tilin meńgerý deńgeıi týraly sertıfıkatty talap etýdi joqqa shyǵardy», - dedi Erlan Ábil QazAqparat tilshisimen telefon arqyly sóılesý barysynda.

Akademııa basshysynyń aıtýynsha, bıyl qujattar onlaın qabyldanady jáne ol 23 shildege deıin jalǵasady.

«Biz talapkerler arasynda aǵylshyn tilin meńgerý deńgeıine qatysty emtıhan ótkizbeımiz. Tek tildi meńgerý týraly sertıfıkatty talap etemiz. Sol sııaqty joǵary aıtylǵan jańashyldyq tek magıstratýraǵa ǵana qatysty. Onyń ózinde barlyq baǵdarlama boıynsha emes. Al doktorantýraǵa múldem qatysy joq», - deıdi ol.

Aıta ketsek, QR Prezıdenti janyndaǵy Memlekettik basqarý akademııasyna túsken memlekettik qyzmetkerler magıstratýra boıynsha 1 jáne 2 jyl, doktorantýra boıynsha 3 jyl boıy bilimin jetildirip shyǵady.


Joǵary qaraı