Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memlekettik aýdıttiń laýazymdy tulǵalary ustaldy

2022 jyldyń 13 mamyr 2022 13:18

NUR-SULTAN. QazAqparat – Memlekettik satyp alý boıynsha aýdıt qyzmetkerleri de qylmyspen ustalǵan. Bul týraly QR Sybaılas jemqorlyqqa qarsy is-qımyl agenttigi tóraǵasynyń orynbasary Ulan Sarqulov aıtyp berdi, dep habarlaıdy QazAqparat tilshisi.

«Memlekettik satyp alýdaǵy qylmystar negizinen qurylys, densaýlyq saqtaý, bilim berý jáne mádenıet salalarynda jasalady. Máselen, Qyzylorda oblysynda mádenıet basqarmasynyń basshysy bolǵan Ábýova Jalańtós Bahadúr eskertkishin salýǵa kedergisiz qarajat aýdarǵany úshin 1 mln teńge para alǵan. Bıyl Shyǵys Qazaqstan oblysy Borodýlıha aýdany ákiminiń orynbasary Balyqbaev 3 jylǵa bas bostandyǵynan aıyryldy. Ol joldar men sý ótkizý qubyrlaryn jóndeý boıynsha memlekettik satyp alý sharttaryn jasaǵany úshin kásipkerden 1,8 mln teńge (10%) qaıtarym alǵan», - dedi U. Sarqulov Ortalyq kommýnıkatsııalar qyzmetinde ótken baspasóz máslıhatynda.

Sonymen birge ótken jyly agenttik Atyraý oblysy ákiminiń orynbasary B. Hamenovany áshkerelegen, ol qalada Abaıǵa eskertkish ornatý úshin 4,5 mln teńge para aldy dep kúdiktelýde.

«Qarjylyq baqylaý organdarynyń da sybaılas jemqorlyǵyn atap ótý kerek. Sońǵy 2 jylda agenttik ishki memlekettik aýdıttiń laýazymdy tulǵalaryna qatysty 27 qylmysty tirkedi. Olar ádette, memlekettik satyp alý konkýrstarynyń qorytyndylaryn qaıta qaraý úshin para alyp kelgen. Mysaly, ishki memlekettik aýdıt mamandarynyń ózderi shaǵym uıymdastyrǵan. Sodan keıin qaıtadan ózderiniń paıdakúnemdik maqsatynda tekserý júrgizgen. Máselen, ótken jyly bir ǵana JShS-dan osyndaı 1600 shaǵym túsip, onyń 900-i qanaǵattandyrylǵan. Al basqa naqty, shynaıy ótinishter elenbegen», - dedi U. Sarqulov.

Buǵan deıin spıker árbir besinshi sybaılas jemqorlyq qylmysy memlekettik satyp alý salasynda jasalatynyn aıtqan edi. 2020 jyldan bastap bıylǵy 1 toqsanǵa deıin bul salada 418 qylmystyq is aıaqtaldy jáne 162 adam sottaldy.



Joǵary qaraı