Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memlekettik aýdıt: 156 mlrd teńgege qarjylyq zańbuzýshylyqtar anyqtaldy

2021 jyldyń 10 qarasha 2021 12:38

NUR-SULTAN. QazAqparat – Jyl basynan beri 2 765 aýdıtorlyq is-shara ótkizildi jáne 156 mlrd teńge somasyna qarjylyq zańbuzýshylyqtar anyqtaldy. Bul týraly QR Qarjy mınıstri Erulan Jamaýbaev aıtty, dep habarlaıdy QazAqparat.

«Bıylǵy 10 aıda 6,2 trln teńgege 758 myńǵa jýyq memlekettik satyp alý rásimine kameralyq baqylaý jasaldy. Tekserý qorytyndysy boıynsha 35 myń rásimnen zańbuzýshylyqtar anyqtaldy, onyń ishinde memlekettik aýdıt obektileri buzýshylyqtardy joıý týraly habarlamalardyń 98%-in oryndady», - dedi Qarjy mınıstri Úkimet otyrysynda.

Sonymen birge, jyl basynan beri 2 765 aýdıtorlyq is-shara ótkizilgen.

«1 trln 765 mlrd teńge bıýdjet qarajaty aýdıtpen qamtyldy jáne 156 mlrd teńge somasyna qarjylyq buzýshylyqtar anyqtaldy. Taýar jetkizýmen, qyzmet kórsetýmen jáne jumystardy oryndaýmen qalpyna keltirý, bıýdjetke óteý jáne esepte kórsetý jolymen 123 mlrd teńgege buzýshylyqtar joıyldy. Aýdıt obektileri qyzmetin jetildirý jáne tıimdiligin arttyrý úshin 2,4 myń usynym berildi», - dedi E. Jamaýbaev.


Joǵary qaraı