Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleketke qarsy arandatýshylyqtyń barlyq túrine toıtarys berý kerek - Prezıdent

2021 jyldyń 21 qazan 2021 14:36

NUR-SULTAN. QazAqparat – Memleketimizge qarsy arandatýshylyqtyń barlyq túrine quqyqtyq ári aqparattyq quraldar arqyly toıtarys berý kerek. Bul týraly Qazaqstan halqy Assambleıasynyń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

Memleket basshysy jergilikti atqarýshy organdardyń basym mindeti retinde áleýmettik, qylmystyq, turmystyq janjaldardyń aldyn alýdy atady. Etnıkalyq astamshylyqtyń barlyq kórinisi, qandaı da bir kemsitýshilikke, qoǵamdyq tártipti buzýǵa jol bermeı, ishki turaqtylyqty zańǵa sáıkes qamtamasyz etýi kerektigin basa aıtty.

«Bizdiń birligimizge zııan keltirýdi kózdeıtin syrttaǵy jáne ishki teris pıǵyldy adamdardyń, túrli avantıýrısterdiń, jaýapsyz ári qabiletsiz saıasatkerler men sarapshylardyń jeteginde ketpeý mańyzdy. «It úredi, kerýen kóshedi» degen sóz bar. Birtutas qoǵam retinde bizdiń ustanymymyzdyń durys ekenine senimdimiz. Alaıda bul áreket etpeı otyr degendi bildirmeıdi. Bizdiń qoǵamǵa jáne memleketimizge qarsy arandatýshylyqtyń barlyq túrine quqyqtyq ári aqparattyq quraldar arqyly toıtarys berý kerek», – dedi Qasym-Jomart Toqaev.


Joǵary qaraı