Aýa raıy
Astana -28 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Memleket bıýdjetin Parlament baqylaýy kerek - «Aq jol» partııasy

2020 jyldyń 20 qarasha 2020 11:57

NUR-SULTAN. QazAqparat – «Aq jol» demokratııalyq partııasynyń tóraǵasy Azat Perýashev partııa fılıaldaryn ákimderdiń basqarýyn synǵa aldy, dep habarlaıdy QazAqparat tilshisi.

«Bılik partııasynyń fılıaldaryn ákimder basqaratyn praktıkadan arylý kerek, tipti oǵan zań júzinde tyıym salý kerek. Bul – bılikti monopolııalandyrýdyń eń aıqyn mysaly. Ákimder sheneýnikterdiń jeke múddelerine emes, búkil qoǵamǵa qyzmet etýi kerek», - dedi Azat Perýashev partııa quryltaıynda.

Sonymen birge, partııa tóraǵasy Parlament pen máslıhattardyń baqylaý fýnktsııalaryn keńeıtý qajettigin, eń aldymen, olarǵa qoǵamdyq rezonans týdyrǵan azamattyq quqyqtar men bostandyqtardyń buzylýy, adamdardyń qaza bolýy nemese bıliktegi sybaılas jemqorlyq faktileri sııaqty oqıǵalardy parlamenttik tergeý quqyǵyn berý kerek dep esepteıdi.

«Memleket bıýdjetin bekitý men baqylaýdaǵy Parlament ókilettikterin kúsheıtý qajet. Kez kelgen mindetterdi sheshýdegi memleket múmkindikteri bıýdjetpen aıqyndalady. Biraq eldegi memlekettik qarajattyń basym bóligi bıýdjetten tys jáne qoǵamnan jasyryn túrde jumsalady. Dál sol jerde júıeli buzýshylyqtar bolady, sybaılas jemqorlyq jaılaıdy. Sondyqtan barlyq memlekettik qarjyny Parlamenttiń baqylaýyna qaıtarý – mańyzdy mindet», - dedi A. Perýashev.

Aıta keteıik, «Aq jol» demokratııalyq partııasynyń XVI saılaýaldy quryltaıynda partııanyń saılaýaldy baǵdarlama jobasy usynyldy. Partııa tóraǵasy Azat Perýashev baǵdarlamadaǵy eń negizgi basymdyq – Táýelsizdik jáne Alash ulttyq ıdeıasy ekenin atap ótti.

Sonymen birge, «Aq jol» demokratııalyq partııasy Qazaq Respýblıkasy ataýyn qaıtarýdy jáne prezıdenttik júıeden parlamenttik respýblıkaǵa kóshýdi usyndy.




Joǵary qaraı