Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memleket basshysy Joǵarǵy sot tóraǵasy Jaqyp Asanovty qabyldady

2021 jyldyń 9 qarasha 2021 12:57

NUR-SULTAN. QazAqparat - Memleket basshysy Joǵarǵy sot tóraǵasy Jaqyp Asanovty qabyldady. Qazaqstan Prezıdentine sot júıesin jańǵyrtý jumystary jóninde málimet berildi, dep habarlaıdy Aqordanyń baspasóz qyzmeti.

Joǵarǵy sot tóraǵasy Memleket basshysyna Ákimshilik rásimdik-protsestik kodeks kúshine engennen keıingi 4 aı ishindegi nátıjeler týraly aıtty. Onyń aıtýynsha, jańa kodekstiń engizilýi sheneýnikterdiń oılaý júıesin ózgertýge jáne tártibin kúsheıtýge baǵyttalǵan.

Sonymen qatar Jaqyp Asanov Prezıdentke daý-janjaldardy sheshýdiń balamaly tásilderin engizý, sybaılas jemqorlyqqa qarsy jańa jobalardy ilgeriletý, birkelki sot tájirıbesin jáne qylmystyq protseste taraptardyń shynaıy jarysyn qamtamasyz etý jóninde baıandady.

Qasym-Jomart Toqaev júrgizilip jatqan reformalardyń zań ústemdigin tolyq qamtamasyz etýi, azamattardyń quqyqtarynyń qorǵalý deńgeıiniń artýyna septigin tıgizýi jáne bıliktiń sot tarmaǵyna degen qoǵamnyń senimin kúsheıtýi qajet ekenin atap ótti.


Joǵary qaraı