Aýa raıy
Astana -8 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy UǴA prezıdenti Murat Jurynovty qabyldady

2020 jyldyń 26 qyrkúıek 2020 11:23

ALMATY. QazAqparat - Qasym-Jomart Toqaevtyń Almatydaǵy rezıdentsııasynda ótken kezdesý barysynda Qazaqstan ǵylymyn damytýǵa, otandyq ázirlemelerdi óndiriske engizýge, sondaı-aq, ǵylymı zertteýlerdiń ekonomıkalyq turǵydan maqsatqa sáıkestigine qatysty máseleler talqylandy, dep habarlaıdy QazAqparat Aqordaǵa silteme jasap.

Ulttyq ǵylym akademııasynyń prezıdenti Memleket basshysynyń adamı kapıtaldy qoldaýǵa, bilim men ǵylym salasyna ınvestıtsııa tartýǵa, ekonomıkanyń tehnologııalyq jáne básekege qabilettilik múmkindigin arttyrýǵa baılanysty Joldaýda aıtqan bastamalaryn qoldaıtynyn jetkizdi.

Qazaqstan Prezıdenti otandyq iri óndirýshilerdiń jumystaryna ǵylymı qoldaý kórsetýdiń mańyzdylyǵyn atap ótti. Onyń pikirinshe, ǵalymdar men bıznes ókilderiniń tyǵyz yqpaldastyǵy ınnovatsııalardy engizip, ekonomıkalyq ósimdi qamtamasyz etý úshin jańa múmkindikterge jol ashady. Jalpy ǵylym elimizdiń ekonomıkasyna qyzmet etýge tıis.


Basty sózder: Ǵylym, Qazaqstan Prezıdenti, Almaty,
Joǵary qaraı