Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Tájikstan Prezıdenti Emomalı Rahmonmen kezdesti

2021 jyldyń 15 qyrkúıek 2021 20:13

DÝShANBE. QazAqparat - Memleket basshysy Qasym-Jomart Toqaev Tájikstan Prezıdenti Emomalı Rahmonmen kezdesti, dep habarlaıdy Aqorda.

Qazaqstan Prezıdentiniń Tájikstanǵa jumys sapary osy eldiń basshysy Emomalı Rahmonmen kezdesýden bastaldy. Kezdesý barysynda Qasym-Jomart Toqaev Emomalı Rahmonǵa qonaqjaılylyǵy úshin rızashylyǵyn bildirdi.

Prezıdent Dýshanbe qalasynda ótetin UQShU Ujymdyq qaýipsizdik keńesiniń sessııasy men Shanhaı yntymaqtastyq uıymyna múshe memleketter basshylary keńesiniń otyrysynda ózekti jahandyq máselelerdi talqylaý asa mańyzdy ekenin aıtty.

«Qonaqjaı Tájik eliniń, Dýshanbe qalasynyń aldaǵy samıtterge daıyndyǵy óte joǵary deńgeıde eken. Bizdiń tarap mınıstrler deńgeıinde qajetti qujattardy pysyqtady. Qol qoıylatyn qujattardy otyrys barysynda jan-jaqty talqylaımyz dep oılaımyn», — dedi Qazaqstan Prezıdenti.

Taraptar ekijaqty formatta da, kópjaqty qurylymdar aıasynda da birlesken is-qımyldardy úılestirýge daıyn ekenin atap ótti.








Joǵary qaraı