Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Shyǵys Qazaqstan oblysynyń ákimin qabyldady

2021 jyldyń 25 qarasha 2021 10:25

NUR-SULTAN. QazAqparat - Memleket basshysy Qasym-Jomart Toqaev Shyǵys Qazaqstan oblysynyń ákimi Danıal Ahmetovti qabyldady, dep habarlaıdy Aqorda.

Qasym-Jomart Toqaevqa óńirdiń bıylǵy on aı ishindegi áleýmettik-ekonomıkalyq damýy jóninde esep berildi.

Oblys ákiminiń aıtýynsha, halyqqa vaktsına salý jumystary qarqyndy júrgizilip jatyr. Atap aıtqanda, vaktsına alýǵa tıisti turǵyndardyń 100 paıyzy ekpeniń birinshi komponentin alǵan, al ekinshi komponentin 7 jeltoqsanǵa deıin salý josparlanǵan.

Kezdesý barysynda oblystyń aýyl sharýashylyǵy salasyn damytý máseleleri talqylandy. Danıal Ahmetovtiń málimeti boıynsha 2022 jylǵa qaraı aýyl sharýashylyǵy ónimderiniń eksportyn 4 ese arttyrý kózdelgen.

Prezıdentke jaqynda ashylǵan «Úlbi-TVS» zaýytynyń jumysy týraly baıandaldy. Kásiporynda jylý energııasyn alýǵa arnalǵan ınjenerlik qurylymdar shyǵarylady jáne 140 jańa jumys orny ashylady. Zaýytta jylyna 200 tonna ýran otyny óndiriledi.

Memleket basshysy oblys ákimine jylytý maýsymy kezinde qazandyqtardyń úzdiksiz jumys isteýin qadaǵalaý, turǵyndardy kómirmen qamtamasyz etý, sondaı-aq aýyl sharýashylyǵy ónimderiniń eksportyn arttyrý jumystaryn jalǵastyrý jóninde tapsyrma berdi.




Joǵary qaraı