Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Memleket basshysy Shveıtsarııada ótken Investıtsııalyq dóńgelek ústel otyrysyna qatysty

2021 jyldyń 29 qarasha 2021 19:07

JENEVA. QazAqparat – QR Prezıdenti Qasym-Jomart Toqaev Shveıtsarııada ótken Investıtsııalyq dóńgelek ústel otyrysyna qatysty, dep habarlaıdy QazAqparat Aqordaǵa silteme jasap.

Qasym-Jomart Toqaev óz sózinde dóńgelek ústeldiń Qazaqstan men Shveıtsarııa arasyndaǵy saýda-ekonomıkalyq qatynastardy damytýda mańyzy zor ekenin atap ótti. Onyń aıtýynsha, Shveıtsarııa konfederatsııasy uzaq jyldan beri Qazaqstannyń negizgi strategııalyq jáne ınvestıtsııalyq seriktesi sanalady.




– Sońǵy 15 jylda elimizdiń ekonomıkasyna salynǵan Shveıtsarııa kapıtaly 26 mıllıard shveıtsar frankine jetti. Al Shveıtsarııaǵa quıylǵan qazaqstandyq ınvestıtsııanyń kólemi 775,2 mıllıon shveıtsar frankin qurady. 200-den astam shveıtsarııalyq kásiporyn Qazaqstanǵa ınvestıtsııa salyp, tabysty jumys istep jatyr. Olardyń qatarynda Glencore, Sika, Swiss Grow, Stadler jáne basqa da jahandyq deńgeıdegi iri kompanııalar bar. Bul biz úshin, ıaǵnı Qazaqstanǵa jáne bizdiń ınvestıtsııa tartý tásilimizge degen úlken senimniń belgisi. Bul baǵytta qajyrly eńbek etip kelemiz. Bıylǵy maýsym aıynda bizdiń naryqta jumys isteıtin shveıtsarııalyq kompanııalarmen arnaıy kezdesý ótkizdim. Sizderdiń bárińizben turaqty ári berik yntymaqtastyq ornatýǵa nıettimiz, – dedi Prezıdent.




Memleket basshysy Qazaqstan Ortalyq Azııa boıynsha ekonomıkasy jyldam damyp kele jatqan elderdiń biri ekenin atap ótti. Táýelsizdiktiń 30 jyly ishinde 370 mıllıard dollardan astam tikeleı shetel ınvestıtsııasy tartyldy. Álemniń 180 elimen saýda-sattyq jasalady.

– Ekonomıkamyz nyǵaıdy jáne meılinshe básekege qabiletti ári tartymdy boldy. Búginde biz ekonomıkanyń taza, ınnovatsııalyq jáne ártaraptandyrylǵan modeline bet burdyq. Osyǵan oraı naqty sharalar qabyldap jatyrmyz. Sonyń aıasynda ınvestorlarǵa keshendi qoldaý kórsetý ulttyq basymdyqtarymyzdyń biri retinde belgilendi. Biz jobanyń basynan aıaǵyna deıin árbir ınvestorǵa jeke qoldaý kórsetý qaǵıdatyn engizdik. Memleket asa mańyzdy ınvestıtsııalyq jobalarǵa 25 jylǵa deıin zańnamalyq jáne qarjylyq turaqtylyqty saqtaýǵa kepildik beredi, – dedi Qasym-Jomart Toqaev.




Prezıdent Sheteldik ınvestorlar keńesin ózi basqaratynyn jáne Premer-Mınıstrdiń jetekshiligimen ınvestıtsııalyq ombýdsmen jumys isteıtinin jetkizdi.

– Qazaqstanda qyzmeti aǵylshyn quqyǵy bazasyna negizdelgen táýelsiz soty bar ári Ortalyq Azııa aımaǵy boıynsha jalǵyz «Astana» halyqaralyq qarjy ortalyǵy jumys isteıdi. AHQO qurylymynda sot isin qaraýdyń jedel balamaly túrin qamtamasyz etetin Halyqaralyq arbıtraj ortalyǵy qurylǵan. Qarjylyq qyzmet kórsetetin Ortalyqtyń qatysýshylary 2066 jylǵa deıin korporatıvti tabys salyǵy men qosymsha qun salyǵynan bosatylǵan. Shetel valıýtasyna, vızalar men jumys kúshine qatysty talaptar ońtaılandyrylǵan. Bizdiń bırjalyq alańymyzda álemniń 59 elinen 1000-nan astam kompanııa bar, – dedi Memleket basshysy.




Qazaqstan Prezıdenti shveıtsarııalyq ınvestorlarǵa elimizde ekonomıkanyń basym baǵyttary boıynsha 37 arnaýly ekonomıkalyq jáne ındýstrııalyq aımaqtyń qurylǵanyn aıtty.




Sońǵy jyldary Qazaqstan kúshti kólik-logıstıkalyq baza qurdy jáne elimizdiń jahandyq kólik dálizine qosylýyn qamtamasyz etti. Elimizdiń aýmaǵy arqyly Qytaı, Ortalyq Azııa, TMD elderi, Parsy shyǵanaǵy men Eýropa arasyn jalǵaıtyn ondaǵan halyqaralyq kólik joly ótedi.

– Eger konstrýktıvti dıalog ornasa jáne oǵan bıznes qosylatyn bolsa, elderimiz arasyndaǵy qatynastar tabysty bolady dep sanaýǵa negiz bar. Buǵan otyz jyl ishinde kóz jetkizdik. Úkimet osyndaı yqpaldastyq pen yntymaqtastyqtyń negizin qalaı alady jáne solaı jasaýǵa tıis. Buǵan dıplomatııalyq jáne saıası quraldar, retteý tetikteri, yntalandyrýlar, quqyq ústemdigi qaǵıdatyn iske asyrý jáne naqty qoldaý sharalary arqyly qol jetkizýge bolady. Qalǵan istiń bárin bıznes jasaı alady jáne isteýge tıis, – dedi Qasym-Jomart Toqaev.




Investıtsııalyq dóńgelek ústel otyrysy barysynda Economisuisse Syrtqy ekonomıkalyq baılanystar jónindegi shveıtsarııalyq kásiporyndar assotsıatsııasynyń vıtse-prezıdenti ıAn Atteslander, Qazaqstan-Shveıtsarııa iskerlik keńesiniń teń tóraǵalary: Stadler Rail AG kompanııasynyń bas atqarýshy dırektory Peter Shpýler, «Qazaqstan temir joly» UK» aktsıonerlik qoǵamynyń basqarma tóraǵasy Nurlan Saýranbaev, ABB Switzerland kompanııasynyń bas dırektory Robert Ichner, Ammann Group kompanııasynyń bas atqarýshy dırektory Hans-Krıstıan Shnaıder, KS Genetics kompanııasynyń prezıdenti Fılıppo Lombardı, Glencore jahandyq mys-myrysh departamentiniń basshysy Nıkola Popovıch, Inoks Capital kompanııasynyń bas atqarýshy dırektory Nabıl Abdýl-Massıh, Basel Euro Airport kompanııasynyń damý jónindegi dırektory Mıhael Shvın, m-3 Groupe kompanııasynyń negizin qalaýshy ári prezıdenti Abdalla Shatıla, Polymetrix AG kompanııasynyń bas atqarýshy dırektory Martın Mıýller, Clariant jahandyq ári mańyzdy tutynýshylarmen jumys jónindegi basqarýshy dırektory Iarle Shold sóz sóıledi.




Shveıtsarııalyq kásipkerlerdiń sózin tyńdaǵan Memleket basshysy Qazaqstan ekonomıkasyn damytýǵa qosqan úlesi úshin olarǵa alǵys aıtty jáne eki eldiń iskerlik toptarynyń ózara jemisti ári tıimdi yntymaqtastyǵy nyǵaıa túsetinine úmittenetinin jetkizdi.




Sonymen qatar jıynǵa «Roche Holding», «Philip Morris International», «Caviar House & Prunier», «Swiss Choice Holding», «Bühler AG», «Economisuisse», «Swissgrow» jáne basqa da kompanııalardyń basshylary qatysty.













Investıtsııalyq dóńgelek ústel otyrysynyń qorytyndysy boıynsha somasy 301 mıllıon dollar bolatyn alty kommertsııalyq kelisimge jáne on kommertsııalyq emes qujatqa qol qoıyldy:

1. «Kazakh Invest» UK» aktsıonerlik qoǵamy men Eurasia Group Ag kompanııasynyń arasynda quny 50 mıllıon dollar bolatyn Eurasia Group kompanııasynyń 10 servıs ortalyǵyn salý jónindegi ózara túsinistik týraly memorandým;

2. «Samuryq-Qazyna Invest» JShS men Inoks Capital kompanııasy arasynda somasy 50 mıllıon dollar bolatyn agrarlyq qor qurý jónindegi kelisim;

3. Qazaqstan Respýblıkasy Densaýlyq saqtaý mınıstrligi men «Roche Holding» kompanııasy arasyndaǵy Áleýmettik mańyzy bar aýrýlardy emdeý boıynsha somasy 50 mıllıon dollar bolatyn Innovatsııalyq dárilik preparattardy lokalızatsııalaý jónindegi shekti kelisim;

4. Almaty oblysynda quny 50 mıllıon dollar bolatyn mal sharýashylyǵy keshenin qurý jobasy jónindegi kelisim;

5. «SP Taraz Pet» JShS men shveıtsarııalyq Polymetrix AG kompanııasy arasyndaǵy «Retsıklırlengen polıetılentereftalat (R-PET) óndirý jónindegi zaýyttyń qurylysyna» qatysty quny 1 mıllıon dollar bolatyn joba boıynsha tehnologııalardy berý týraly lıtsenzııalyq kelisim;

6. «Qazaqstan temir joly» UK» aktsıonerlik qoǵamy men Stadler CIS AG kompanııasy arasyndaǵy quny 100 mıllıon dollar bolatyn strategııalyq yntymaqtastyq týraly kelisim.












Joǵary qaraı