Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Memleket basshysy Senat tóraǵasy Máýlen Áshimbaevty qabyldady

2022 jyldyń 19 mamyr 2022 12:12

NUR-SULTAN. QazAqparat - Qasym-Jomart Toqaevqa Palata depýtattarynyń Konstıtýtsııaǵa ózgerister men tolyqtyrýlar engizý jónindegi referendýmdy talqylaý úshin óńirlerge jasaǵan sapary týraly baıandaldy. Qazirgi ýaqytta 150-den astam is-shara ótken, onyń kóbi negizinen shaǵyn qalalarda, kentter men shalǵaı aýyldarda uıymdastyryldy, dep habarlaıdy QazAqparat Aqordaǵa silteme jasap.

Senatorlar saparynyń nátıjesinde azamattardy alańdatqan meılinshe ózekti máselelerge taldaý jasaldy. Atap aıtqanda, taýarlar baǵasynyń ósýi, avtomobıl joldarynyń jaǵdaıy, jumyspen qamtý máselesi, aýyzsýmen jáne gazben qamtamasyz etilýi, medıtsınalyq kómektiń qoljetimdiligi jáne basqa da problemalar.

Prezıdent Úkimetpen jáne jergilikti atqarýshy organdarmen birlesip, atalǵan máselelerdi sheshý jumystaryn jalǵastyrý qajet ekenin atap ótti.

Máýlen Áshimbaev Qasym-Jomart Toqaevqa aımaqtaǵy memleketterdiń zań shyǵarýshy organdarymen aradaǵy yntymaqtastyqty nyǵaıtý jóninde málimet berdi. Ótken aptada senatorlar Ashhabadta «Ortalyq Azııa – Reseı» atty parlamentaralyq forýmǵa qatysty.

Yqpaldastyqtyń jańa formaty Aral teńizi óńirindegi ekologııalyq ahýal, transshekaralyq ózenderdi birlesip paıdalaný, shekara mańyndaǵy óńirlerdiń yntymaqtastyǵy, sondaı-aq Aýǵanstandaǵy jaǵdaıǵa baılanysty aımaqtyq qaýipsizdik máselesi sııaqty ózekti problemalardy sheshý jónindegi depýtattardyń birlesken jumysyn jandandyrýǵa yqpal etedi.


Joǵary qaraı